هالة صدقي: لا أفضل وجود مدير أعمال للفنان.. وعاطف الطيب اكتشفني سينمائيا

أكدت الفنانة هالة صدقي أنها ابتعدت عن الأدوار الشعبية لفترة طويلة في حياتها، قائلة: «أنا بعدت عن الأدوار الشعبية من بعد مسلسل أرابيسك لأنه نجح جدا جدا ومن خفي على نجاحه بعدت 20 سنة».

لا تفضل وجود مدير أعمال

وعن فكرة وجود مدير أعمال، أكدت هالة صدقي خلال استضافتها في برنامج «ضيفي» مع الإعلامي معتز الدمرداش، المذاع عبر شاشة الشرق، أنها لا تفضل وجود مدير أعمال، قائلة: «أنا معنديش مدير أعمال علشان ممكن مثلا يقول على دور إنه صغير ومش مهم وده بيأخر الممثل.. وغير ده أنا ليا طريقة تفكير مختلفة».

المخرج عاطف الطيب هو من اكتشفني سينمائيا

وأضافت هالة صدقي: «المخرج عاطف الطيب هو اللي اكتشفني سينمائيا حقيقي وده لأنه حطني في أدوار مش بتاعتي أصلا ومش شبهي وده طلع مني فنانة قوية في قلب الليل وفي الهروب».

الفنانة الكبيرة هدى سلطان علامة فارقة في تاريخ الفن

كما أكدت أنها تعتبر الفنانة الكبيرة الراحلة هدى سلطان علامة فارقة في تاريخ الفن، مضيفة: «هدى سلطان فضلت لحد أخر لحظة نجمة كبيرة وحافظت على النجومية في مراحل العمر المختلفة.. وكانت زي السباح وبتتصالح مع نفسها، وكمان الفنانة كريمة مختار فضلت لآخر لحظة نجمة ومش كل حد يقدر يعمل ده».

وعن دورها في مسلسل جعفر العمدة، قالت هالة صدقي: «انا كبرت وأنا مش هضحك على الجمهور الصراحة مهمة هما يشوفوني وعارفين أنا ظهرت من امتى».

افتتاح مشروع خاص بها

كما كشفت الفنانة هالة صدقي، عن افتتاحها لمشروع خاص بها وهو مطعم، مضيفة: «لو مكنتش عمت ده كنت هضطر أقبل أي أدوار تتعرض عليا علشان ده مصدر رزقي الوحيد لكن أنا عملت مشروع علشان يكون عندي مصدر رزق لأن أنا بختار ومش كل الأدوار بتعجبني».

مش عايزة المشروع ده يسرقني من التمثيل

وأضافت هالة صدقي، أنها في بداية افتتاح المشروع كانت مهتمة به للغاية، لكنها في الوقت الحالي تركت إدارة المشروع لمتخصص، وذلك بسبب انشغالها في التمثيل، قائلة: «مش عايزة المشروع ده يسرقني من التمثيل».