بعد هزيمة مصر بمباراة أمس.. داليا البحيري تفجر مفاجأة: "خسرنا بسبب المراهنات"
فجرت الفنانة داليا البحيري مفاجأة كبرى بشأن هزيمة المنتخب المصري أمام نظيره الأرجنتيني في مباراة الدور ال16 من بطولة كأس العالم 2026، وذلك من خلال مقطع فيديو عبر حسابها الرسمي على موقع تبادل الصور والفيديوهات إنستجرام.
داليا البحيري: “اللي حصل فُجر كروي”
حيث قالت داليا البحيري: “كانت ليلة صعبة أكيد علينا كلنا، ناس كتير أوي معرفتش تنام إحساس بالقهر والظلم، ولكن بالرغم من كل حاجة حصلت إمبارح ألف مبروك للمنتخب المصري الرجالة اللي شرفونا ورافعوا راسنا، ووروا العالم كله ان مصر قادرة على أنها تاخد كأس العالم، وتغلب الأرجنتين اللي كانت المفروض بطل العالم، أنا ماليش في الكورة اوي بس دايما بشجع صمر في الحاجات الكبيرة، بس اللي أنا فهمته أنه كان صعب جدًا نكسب أمبارح لأسباب مالهاش أي علاقة بالكورة، مكنش ينفع نكسب لأن في حاجة اسمها مراهنات بتحصل على الفرق وكله راهن على ميسي لأنه بطل عالم، فكان هيبقى في خسارة كبيرة بالملايين وطبعا هما مش هيسمحوا بده يحصل، ده غير العنصرية وأن ميسي هو الفتى المدلل للفيفا، ده كان فُجر كروي، الناس اللي بيفهوا في الكورة في العالم كله أتكلموا امبارح وعملوا تويتات، وأن اللي حصل كان سرقة لمصر، كفاية أن العالم كله اتكلم على أن قد ايه أحنا كنا نستاهل أننا نكسب ونتأهل، عايزة احيي مصطفى شوبير اللي هو كان بطل وحقيقي عمل ماتش خطير، أحنا فخورين بلاعبيتنا كلهم، كابتن حسام حسن أنت راجل وأنا احترامي ليك زاد كتير، وأنك ترفع علم فلسطين وردهم عليك أنك تتسرق بالشكل ده قدام العالم كله ده أكبر دليل على عنصريتهم، كفاية أن أحنا رعبناهم كسبنا إنسانيتنا وتعاطف العالم كله، بدعو الناس كلها تفرح من قلبها واللي يقدر يروح يستقبل فريقنا الوطني يعمل كده وميتأخرش”.
تخرج ابنة داليا البحيري
في سياق آخر، قد احتفلت الفنانة داليا البحيري بتخرج ابنتها قسمت من المدرسة، وعبرت عن فخرها بها، ووجهت لها رسالة بالإنجليزية عبر حسابها بموقع إنستجرام.
وشاركت داليا البحيري جمهورها صورًا من الحفل، وعلقت: “اللهم لك الفحمد وشكرًا قبل أربعة عشر عامًا، أمسكتُ بيدكِ الصغيرة ورافقتكِ عبر بوابات المدرسة لأول مرة. واليوم، شاهدتكِ تمشين في تلك الممرات نفسها للمرة الأخيرة كطالبة متخرجة”.
