«ليه بنصغر نفسنا؟».. لما جبريل تعلق على الهوس بميسي قبل مباراة مصر والأرجنتين

انتقدت الإعلامية لما جبريل طريقة التقليل من نجومية المنتخب المصري أمام منتخب الأرجنتين والخوف من مقابلة نجم الأرجنتين العالمي ميسي.

بنلاعب الأرجنتين مش ميسي

وقالت لما جبريل خلال فقرتها ببرنامج «الحكاية» مع الإعلامي عمرو أديب، عبر قناة إم بي سي مصر: «الناس بتسأل حمزة عبد الكريم، وبيقولوا له عمرك حلمت أنك هتقابل ميسي قالهم إحنا بنلاعب الأرجنتين مش ميسي».

ليه بنصغر نفسنا؟

وتابعت لما جبريل: «كنا بنقول ده من 10 سنين لكن دلوقت الموضوع اختلف الناس بتحط صورة ميسي وصلاح!.. ليه بنصغر نفسنا وبنحسسهم رايحين نتفرج مش نلعب؟؟ المفروض يكون عندنا أمل اننا قادرين وهنكسب».

وأعربت الإعلامية لما جبريل عن سعادتها برفع حسام حسن مدير منتخب مصر لعلم فلسطين بعد الصعود الدور 16 في كأس العالم 2026.

هنشجع الأرجنتين ضد مصر

وقالت لما جبريل خلال فقرتها ببرنامج «الحكاية» مع الإعلامي عمرو أديب عبر إم بي سي مصر: «حركة بسيطة هزت الدنيا والإعلام الإسرائيلي وقالوا هنشجع الأرجنتين ضد مصر وممكن تعرض حسام حسن لمشكله مغ الفيفا بس قالوا مافيش مشكلة لأن فلسطين في الاتحاد الدولي واحنا اتربينا ع القضية دي وطول عمرها قضيتنا».

تصرف الصحفيين الرياضيين 

وعلقت الإعلامية لما جبريل على تصرف أحد الصحفيين الرياضيين بكأس العالم في المؤتمر الصحفي عقب صعودنا الدور ال16، وسؤاله للاعب رامي ربيعة منتقدا محمد هاني.

تعدي على لاعب مصري 

وقالت لما جبريل: «ده مش ايفيه ده تعدي على لاعب مصري في توقيت حساس جدا وبيسعى ويجتهد وبيعمل اكتر من اللي عليه بشويه عشان يثبت انه راجل ومعافر ومينفعش نختزل كل ده ونقول دخل جون في نفسه».

وتابعت لما جبريل: «وقبلها وقع واغمى عليه والمفروض بعدها يتهز او يبقى عدم ثقة لكن ده الحقيقة محصلش.. لا يليق الهزار في حاجة زي كده مكنش وقته تريند ولا هزار». 

وقد أشادت الإعلامية لما جبريل بموقف العميد حسام حسن مدير منتخب مصر، بتواصله المستمر مع زوجته دان، وذلك بعد مبارايات مصر في المونديال، ناصحة الرجال بالتعلم منه وأخذه قدوة.

حسام حسن عميد رجالة العالم

وقالت لما جبريل خلال فقرتها ببرنامج «الحكاية» مع الإعلامي عمرو أديب: «عميد رجالة العالم، وفي عز الدوشة والحوارات وكأس العالم وسط نلغي الماتش ولا لا.. ضرب مثل في الروقان وصعد بمصر، وخلص وكلم شريكة حياته وفضل يكلمها وسمع الأغنية اللي غنتهاله كاملة في فيديو كول لحد أخر ثانية بدون أي كلل او ممل».