«بجري على أكل عيشي».. عامل دليفري يستغيث بعد تعرضه لعملية نصب

كشف الشاب عامل الدليفري محمد أحمد الحضري عن تعرضه إلى عملية نصب أثناء توصيله لأوردر لإحدى العملاء، قائلا: « كنت بودي أوردر لعميل فبعدها العميل كلمني وقالي ممكن تشحنلي معاك وانت جاي فقولتله تمام بس أنا مش معايا فلوس قالي تمام انت بس روح لأي مستشفى وأدخل لدكتور واديهولي وأنا هكلمه لأنه العميل اللي كنت رايحله ده المفروض أنه هو دكتور». 

وأضاف الشاب، خلال فيديو تم تداوله عبر وسائل التواصل الاجتماعي «الفيسبوك»: «فروحت لدكتورة اديتلها الموبايل وقولتلها الدكتور أحمد وحيد عايز يكلمك وأنا معرفش أسمه ده كده صح ولا لا فكلمها وعرفها أنه عايز فلوس يشحن رصيد فبعد ما شحن جالي شك أنه ممكن يطلع نصاب وقولت للدكتورة في المرة التالته أنا معرفوش أنا معرفش الراجل اللي انت حولتيله شحن ده». 

لو فضلت أشتغل شهر كامل مش هعرف أجيب المبلغ ده 

وتابع: «وبعدها لقيتها كملت وبعتتله شحن بمبلغ 4 ألاف ونصف، وقالها متطلعيش الشخص اللي عندك ده اللي هو أنا يعني على ماابعت حد بالفلوس وفضلت واقف ومحدش جه والبنت فضلت تعيط وقتها وزعلانه عشان المبلغ ده فاضطريت أنه أدفعلها المبلغ وأنا أصلا لو اشتغلت شهر كامل بيه مش هعرف أجيبه». 

كما توجه الشاب بمناشدة وزارة الداخلية داعيا بضرورة التدخل العاجل من قبل قوات الأمن ومساعدته في حل أزمته.