في مباريات كأس العالم.. ماذا يحدث في منزل لقاء الخميسي؟ |فيديو
كشفت الفنانة لقاء الخميسي عن تعلق أبناءها الشديد برياضة كرة القدم، خاصة أنهم متابعون جيدون لمباريات كأس العالم 2026، وذلك من خلال لقاء لها في إحدى البرامج التليفزيونية.
حيث قالت لقاء الخميسي في حديثها: “ابني الكبير لما بيجي يتفرج على ماتش بيشغل التلفزيون على الماتش والكومبيوتر على راجل بيتكلم ويعلق على الماتش، لدرجة بقوله يا بني هو أنت بتسمع مين ولا مين، أحنا هاريين نفسنا ماتشات الفترة دي، أنا الوحيدة اللي مش فاهمة، بس أنا مبسوطة طول ما هما مبسوطين”.
سر في حياة لقاء الخميسي
في سياق آخر، قد كشفت الفنانة لقاء الخميسي، عن سر خطير في شخصيتها وهو أنها عصبية للغاية، قائلة: «أنا عصبية جدا.. دلوقتي بحاول أسيطر على نفسي.. لما بقيت ألعب رياضة بزيادة الموضوع بقا هادي أكتر».
وأضافت، خلال استضافتها في برنامج «أسرار» المذاع عبر شاشة النهار، مع الإعلامية أميرة بدر: «معظم المواقف اللي بعبر فيها عن غضبي الشديد كان مع ابني الكبير لأن هو أكتر واحد ممكن يعصبني وببقى مجنونة ومش بميز يعني بتعصب واحدفه في وشه بأي حاجة جنبي.. في مرة اتعصبت عليه جامد وبقيت أضربه وهو مسك إيدي وأنا بضربه وثبتني وقعدت أعيط 3 أيام علشان صعبت عليا نفسي».
وأوضحت أن زوجها حل الأمر، قائلة: «أوسا حل الموضوع ورجع باس راسي.. دي كانت المرة الوحيدة اللي كان دمها تقيل.. وأنا تفهمت إن هو اتعصب علشان هو مراهق وأنا اتعصبت عليه».
وأكدت لقاء الخميسي أنها لم يسبق لها وغضبت خلال عملها، قائلة: «مش فاكرة أي لحظة اتعصبت فيها في الشغل».
وأشارت لقاء الخميسي إلى أن زوجها شخص هادئ للغاية، عكسها تماما، مؤكدة أنه لم يسبق له أن عبر عن غضبة معها بالمشاجرة أو التطاول أو أي شكل من أشكال العنف، مضيفة: «ده مش بيزعق ده هينقطني هو مش بيزعق خالص.. بيقولي ليه أزعق ليه لما ممكن اتكلم بالراحة، وهو عنده وجهة نظر إن لو الشخص مش عايز يقتنع بالكلام مش هيقتنع حتى لو رفعت صوتي».
