عمرو يوسف يدعم محمد هاني : إحنا بنحب الهزار وأنت جامد وبطل
حرص النجم عمرو يوسف، على دعم محمد هاني لاعب المنتخب الوطني، بعد تعرضه للسخرية عبر السوشيال ميديا، بسبب هدفه العسكي في لقاء مصر وأستراليا بالأمس ضمن دور الـ 32 من كأس العالم 2026.
عمرو يوسف يدعم محمد هاني
وشارك عمرو يوسف عبر حسابه الرسمي على إنستجرام، صورة لـ محمد هاني، وعلق : "زي ما أنت عارف إننا بنحب الهزار، أنت عارف إنك جامد وجامد أوي كمان، شد حيلك يا بطل، اللي جي عظيم بإذن الله".
نجوم الفن يدعمون محمد هاني
وكان قد حرص عدد آخر من نجوم الفن على مساندة محمد هاني، منهم الفنان محمد عطية، الذي طالب بدعمه، من خلال حسابه الشخصي على فيسبوك، وكتب : "ادخلوا عند محمد هاني ادعموه، هاني عمل ماتش هايل والهدف العكسي ده بيكون فيه سوء حظ وبيحصل مع أعظم لعيبة العالم".
وتابع محمد عطية : "هاني بيقدم بطولة عظيمة، ادخلوا اكتبوا له كومنت على بروفايله، اعتقد ده الوقت اللي لازم ندعم فيه كلنا المنتخب و اللعيبة، ده أقل تقدير للأداء الرجولي اللي بيعملوه".
كما طالبت الفنانة بسنت شوقي بالتوقف عن توجيه الانتقادات لـ محمد هاني، من خلال حسابها على فيسبوك، وكتبت : “ياريت الناس تمسح البوستات بتاعت هاني، علشان الواد عامل بطولة قوية، وإحنا بجد محتاجينه الماتش الجاي”.
وتابعت بسنت : "مش ناقصة الكركرة والهاهاها وإثبات خفة الدم على بوستاتكم، مش طالبة خالص تحطيم فى معنوياته، بس سيبوا بتاعت مرموش عادي، هو ابن حلال و يستاهل”.
تأهل مصر لدور الـ 16 من كأس العالم
يُذكر أن المنتخب المصري صعد بالأمس الجمعة إلى دور الـ 16 في كأس العالم للمرة الأولى في تاريخه، بعد إقصائه نظيره الأسترالي في دور الـ 32، حيث تفوق الفراعنة في ركلات الترجيح بنتيجة 4-2، بعد التعادل في الوقتين الأصلي والإضافي بهدف لمثله.
وأحرز هدف منتخب مصر اللاعب إمام عاشور برأسية في الدقيقة 13، ثم سجل محمد هاني هدف بالخطأ في مرماه في الدقيقة 55 من عمر اللقاء.
