ثروت: في لاعب أسترالي 198 سم هنعمل معاه إيه؟.. والسقا: على نفسه مش على مصر
حل الفنان أحمد السقا ضيفا على برنامج «قبل الماتش»، المذاع عبر قناة «صدى البلد»، وخلال الحلقة كشف عن توقعه لنتيجة مبارة مصر وأستراليا، قائلا: « بمشيئة الله هنكسب.. بس إحنا هنلاعب قوة غاشمة واللاعب عندنا تلت والأطوال مشكلة بس بنعرف نلعب على الأرض».
كما وجه رسالة هامة لفخر العرب محمد صلاح، قائلا: «محمد صلاح ربنا هيكرمه لأنه محترم وماهر واتجرح كتير قبل ما يمشي والأهلي والزمالك رفضوه.. وفي 9 سنين خلى ليفربول تعمل اللي متعملش.. وعايز أقوله لازم تقلل الكتل العضلية علشان السرعة».
ونصح اللاعبين قبل المباراة بالتركيز منذ البداية، قائلا: «لو خطفنا جول في أول تلت ساعة هنفك ولازم نخيلهم».
ومن جانبه قال الفنان محمد ثروت: «لاعب المنتخب لو اتصاب بياخد 6 مليون.. إحنا كدا هنلم غلة أحسن من كأس العالم».
وأضاف: «إحنا بنعرف نلعب على الأرض بس في فرق أطوال كبير جدا يعني في لاعب 198 سم»، ليجيبه السقا: «على نفسه مش علينا».
وخلال الحقلة، أشاد النجم احد السقا بحارس مرمى الأهلي ومنتخب مصر الكابتن مصطفى شوبير، مؤكدا أنه نصحه بالتركيز في التدريبات لمدة 3 أشهر، ثم يشاهد النتيجة الرائعة التي سيصل لها، لافتا إلى أنهم في الأصل أصدقاء مقربين للغاية: مضيفا: «إحنا بنتكلم كل يوم أصلا باستثناء الفترة دي مش بنتكلم علشان المعسكر».
كما أعرب عن سعادته بمستوى المنتخب، قائلا: «أرجوا لو ليا قيمة عند كابتن حسام ولاعبي المنتخب ياريت ننزل الماتش بتاع استراليا في وضعية الهجوم.. ولو استقتلنا واتعاملنا إننا لسا في الأول حتى لما نحط جول ونكمل ومنحتفلش غير بعد نهاية الـ 90 دقيقة».
وفي سياق حديثه، تمنى ان ينال الكابتن هيثم حسن فرصة في المشايكة في مباريات كأس العالم، لافتا إلى أنه لاعب صغير في السن وموهوب، كما أنه تعرض لمحاولات شديدة من منتخب فرنسا لضمه.
وخلال الحلقة، تطرق للحديث عن اصدقائه في الوسط الفني، قائلا: «أحمد صلاح حسني هو أمهر لاعب في الوسط الفني.. كريم فهمي ويوسف الشريف بيلعبوا كويس لكن احمد صلاح حسني طبعا أحسن حد».
