ياسمين عز: فتوح بيفطر سجارة ويتغدى كشري في عيش.. ياريت نغذي أولادنا

قالت الإعلامية ياسمين عز: «فتوح اتصاب في الخلفية وعندي إحساس إنه بيفطر سجاير وشاي والغداء كشري في عيش.. وياخوفي على ولادنا عندنا أزمة تغذية في المنتخب وولادنا مفيش أوسم ولا أشطر منهم لازم نغذيهم.. هما أحسن من هالاند اللي شبه التتار وبياكل بيض تنين.. ده واكل طن ونص سمك لوحدة لحد دلوقتي ولحمة أجمل حته في العجل.. بلاش جو لاقيني ولا تغديني ده».

وأضاف: خلال حلقة اليوم من برنامج «كلام الناس» المذاع عبر شاشة إم بي سي مصر: «طبعا فريق فتوح أكتر حد مستفيد من الإصابة علشان هياخد تعويض.. والجمهور لو عليه هيبعت ناس تخطف المهدي سليمان ويطلبوا فيديا».

وفي سياق متصل، قالت الإعلامية ياسمين عز: «جرا إيه يا أمريكا محدش قادر عليكم لا إيه؟ أومال لو بتنافسوا على كأس العالم كنتوا حبستوا ميسي وامبابي وكرستيانو ورحلتوا مو صلاح فين كرم الضيافة، يعني إيه منتخبات تتفتش 11 ساعة في إيه هما مش مقدمين على شغل في البيت الأبيض».

وأضافت: «الكاب بتاع صلاح بقا.. هو واقف على السلم والشمس في قفاه وهو متربي بره معندوش شمس وراح أمريكا حر زمهرير وهو قالبه علشان قفاه وهو قاله اقلعه علشان نتصور لكن هو معملش كدا زي ما أنت بتقول حاضر ومتعملش».

وتابع: «وبعدين لما مقلعهوش وحسام حسن بصله إداله النظرة بتاعته اللي بيديها لللحارس قبل ما يجيب الجونب.. عادي هو بيحفظ هالته هو عنده حبل أفكار وبنات أفكار وبيكبس على أفكاره علشان محدش يسرق منه فكرة.. كده بيحط حدود ياريت متعملش قصه من مفيش».

ياسمين عز عن زي المنتخب: «كان في بنطلون مشلوح بس مش مهم قمر.. هنعمل إيه لازم نقضي باللي معانا علشان مثلا واحد زي فتوح طوله 2 متر ونص هتجيبله بنطلون منين مش هتلحق تفصله»