بعد الالتزام بالشروط.. افتتاح 20 فرعًا لـ بلبن وكرم الشام غدًا
كشفت مصادر خاصة آخر تطورات أزمة غلق محلات بلبن، مؤكدة أنه سيتم إعادة فتح 20 فرعًا، غد الاثنين، تتضمن 6 فروع لـ كرم الشام و4 فروع من البرندات الأخرى التي أُغلقت، وشددت على أنه سيتم افتتاح باقي الفروع خلال الأيام المقبلة، بعد تحقيق طلبات هيئة سلامة الغذاء.
وأكدت المصادر أن المصانع بدأت بالفعل العمل من الآن، بعدما أوصت تقارير هيئة سلامة الغذاء بفتح الفروع بعدما تم الالتزام بكل الشروط التي طلبتها الهيئة.
بلبن يشكر الرئيس
ووجهت شركة بلبن في بيان رسمي، الشكر إلى الرئيس عبد الفتاح السيسي، والفريق كامل الوزير، وزير الصناعة وكل أجهزة الدولة المصرية في بيان نشرته عبر صفحتها الرسمية على فيسبوك، بعد حل أزمة الشركة.
وقالت شركة بلبن عبر صفحتها بموقع فيسبوك :
بـ لبن رجع خلاص ، وخلاص أبوابنا هتفتح من بكره تاني ، الأزمة كانت محنة كبيرة قوي كانت اختبار حقيقي، وقفنا فيه مع نفسنا، وحسينا بقيمة نِعَم ربنا، وقيمة الناس اللي كانت سند حقيقي وقت الشدة.
ناس كتير بان أصلها وقت الأزمة، وعرفنا إن الرجالة الحقيقيين بيبانوا لما الأيام تضيق والحمد لله… خلاص مش مجرد فروع هترجع تشتغل،
دي رجعة روح، رجعة كرامة ، رجعة حلم كان بيضيع ، لكن ربنا أنقذه بلطفه ، راجعين علشان آلاف لسه شايلين الحلم جوانا، راجعين علشان نكمّل المشوار اللي بدأناه وصدقناه ، شكرًا لكل اللي استحمل
لكل اللي صبر لكل اللي آمن إننا هنعدي… وعدّينا! شكرًا لكل اللي قال كلمة طيبة ووقف جنبنا ، وجميلكم في رقبتنا، وراجعين ليكم وأقوى بيكم.
وشكرًا من القلب لفخامة السيد الرئيس عبد الفتاح السيسي ،ولكل أجهزة الدولة المصرية اللي دعمت الحلم بتاعنا وأنصفت مجهود سنين،
وشكر خاص لمعالي الفريق كامل الوزير، اللي كان دايمًا نموذج للمسؤول الوطني، وسند حقيقي وقت الأزمات ، وبإذن الله… اللي جاي أحلى، وأكبر، وأقوى وكان فضل الله علينا عظيمًا
