«بلبن» توجه الشكر للرئيس السيسي والفريق كامل الوزير بعد أزمتها الأخيرة

وجهت شركة "بلبن" الشكر إلى الرئيس عبد الفتاح السيسي، والفريق كامل الوزير، نائب رئيس مجلس الوزراء وزير الصناعة والنقل، وكل أجهزة الدولة، وذلك عبر بيان نشرته عبر صفحتها الرسمية على “فيسبوك”، بعد حل أزمة الشركة.

وجاء بيان شركة “بلبن” كالتالي : 

“بلبن” رجع خلاص، وخلاص أبوابنا هتفتح من بكره تاني، الأزمة كانت محنة كبيرة قوي  كانت اختبار حقيقي، وقفنا فيه مع نفسنا، وحسينا بقيمة نِعَم ربنا، وقيمة الناس اللي كانت سند حقيقي وقت الشدة.. ناس كتير بان أصلها وقت الأزمة، وعرفنا إن الرجالة الحقيقيين بيبانوا لما الأيام تضيق والحمد لله… خلاص مش مجرد فروع هترجع تشتغل،
دي رجعة روح، رجعة كرامة، رجعة حلم كان بيضيع، لكن ربنا أنقذه بلطفه، راجعين علشان آلاف لسه شايلين الحلم جوانا، راجعين علشان نكمّل المشوار اللي بدأناه وصدقناه ، شكرًا لكل اللي استحمل" 
 

وأضاف البيان، “لكل اللي صبر لكل اللي آمن إننا هنعدي… وعدّينا، شكرًا لكل اللي قال كلمة طيبة ووقف جنبنا، وجميلكم في رقبتنا، وراجعين ليكم وأقوى بيكم”.
 

وتابع: "شكرًا من القلب للرئيس عبد الفتاح السيسي، ولكل أجهزة الدولة اللي دعمت الحلم بتاعنا وأنصفت مجهود سنين،
وشكر خاص للفريق كامل الوزير، اللي كان دايمًا نموذج للمسئول الوطني، وسند حقيقي وقت الأزمات، وبإذن الله… اللي جاي أحلى، وأكبر، وأقوى وكان فضل الله علينا عظيمًا".