حمو بيكا بعد إيقافه عن العمل: أنا مش حمل حاجة تاني عليا الطلاق |فيديو
ظهر مطرب المهرجانات حمو بيكا في مقطع فيديو عبر صفحته الرسمية بموقع فيسبوك، استنكر من خلاله اتهامه بالإساءة لمؤسسات الدولة، مؤكدًا أنه لم يكن يقصد أي إساءة وأن الأغنية التي قدمها في إحدى السهرات الغنائية لمطرب شعبي آخر لا يعرفه ويغنيها الكثير من المطربين.
وقال حمو بيكا في الفيديو: “كلمتين لازم أقولهم وتسمعوهم، بخصوص الفيديو اللي نزل بغني فيه، عمري من رابع المستحيلات أهين مؤسسات الدولة، ولو الأغنية هتسيء لحد عمري ما هقولها، والأغنية دي لمطرب قديم معرفش اسمه، وكل المطربين بيقولوها ولو أعرف أنها هتجيب لي أذى صفر في المية عمري ما أقولها، أنا مصري وهويتي مصرية وعمري ما أغلط في بلدي، ليه عملتوا مني حاجة كبيرة أنا مش فاهمها، ده لساني يتقطع يوم اشتم مؤسسات الدولة”.
وأضاف حمو بيكا: “لو أعرف الأغنية فيها ضرر عمري ما أنطقها وكل المطربين الشعبي بيغنوها ومتداولة على يوتيوب، ولو فيها ضرر كانوا شالوها ومكانوش خلوها وهي نزلت على التيك توك ويوتيوب..ليه لما غنيتها الدنيا اتقلبت عليا”.
وأكمل حمو بيكا: “أنا في أي دولة خارج مصر وفي أمريكا والعراق والأردن، برفع علم مصر على أكتافي وبكون فخور إني مصري ولا كان قصدي أي حاجة ولا أعرف ولو أعرف والله العظيم وغلاوة بنتي عمري ما كنت أغنيها مش طالع اقول كده علشان أرجع شغلي رجعت ما رجعتش مش مهم، لكن علشان تكون واصلة ليكم”.
وواصل حمو بيكا: “عملتم حكاية كبيرة أنا مش قدها، أنا مش بعرف أقرأ وأكتب لكن بسمع حاجات مش فاهمها، ليه بتكبروا معايا المواضيع أنا بذات؟، أنا مش حمل أي حاجة تاني عليا الطلاق وغلاوة بنتي ولو أي حاجة هتبعدني عن بيتي وبنتي مش عاوزها نهائي خالص ويا ريت اللي بيكتب بلاش توصل الكتابة في حتة تانية".
وأصدرت نقابة الموسيقيين بيانًا أعلنت من خلاله إيقاف مطرب المهرجانات حمو بيكا عن العمل واستدعائه للتحقيق العاجل، كما تم إيقاف العمل بالتصريح الممنوح له لحين انتهاء التحقيق، وشددت النقابة العامة نقيبًا وأعضاء مجلس الإدارة أنها لن تتهاون مع أي تجاوز أو إساءة لاسيما مايتعلق بالثوابت المجتمعية أو مؤسسات الدولة.
