استغاثة مؤثرة بعد سرقة شنطة سباحة أطفال من كلية التربية: «خدوا كل حاجة.. بس رجعوا النظارات»
تداول رواد موقع التواصل الاجتماعي فيس بوك، نداءً إنسانيًا مؤثرًا بعد تعرض أحد الأشخاص لسرقة حقيبة السباحة الخاصة بأطفاله من داخل حمام السباحة التابع لكلية التربية، مطالبا من استولى عليها بإعادة نظارات النظر الخاصة بأبنائه.
ونشرت الاستغاثة صفحة «ألاقي فين في طنطا» المناشدة الإنسانية وأوضح صاحب المناشدة أنه يتنازل عن حقيبة السباحة وجميع محتوياتها، بما في ذلك برنصات السباحة وأي متعلقات أخرى، مؤكدًا أنه مسامح في كل ما تحتويه الحقيبة، لكنه يناشد من أخذها بإعادة نظارات النظر الخاصة بأطفاله.
وقال صاحب الاستغاثة المؤثرة: «اللي أخد شنطة السباحة من حمام السباحة بتاع كلية التربية، حلال عليك الشنطة وبرنصي السباحة اللي فيها، وأي حاجة فيها، إحنا مسامحين ولكن أرجوك رجّع نظارات النظر بتاعة أولادي مش هتستفاد بيهم حاجة والله، أولادي مش بيشوفوا من غير نظاراتهم. كانوا قالعينها وسايبينها في الشنطة».
وأضاف: «النظارة الواحدة تمنها غالي والنظارات، علشان النظر ضعيف جدًا جدًا، بتاخد تصنيع 10 أيام،عيالي هيقعدوا مش شايفين 10 أيام إزاي؟ رجّعلنا النظارات، والله إنت مش هتستفاد حاجة منهم، روح اديهم هناك للأمن، وقول إنك لقيتهم أو أي حاجة، المهم النظارات ترجع».
