أيتن عامر توضح سبب انفعالات إبراهيم وحسام حسن

استعادت الفنانة آيتن عامر، ذكرياتها مع والدها في متابعة مباريات كرة القدم، لتوضح سبب انفعالات حسام حسن المدير الفني لمنتخب مصر، عبر حسابها الرسمي على موقع التواصل الاجتماعي "فيسبوك".

وكتبت آيتن عامر، قائلة: "أبويا الله يرحمه كان أهلاوى شديد مكنش بيفوت ماتش، كان بيفهمنى كل مصطلحات الكورة و بيعلمنى".

وتابعت آيتن عامر، قائلة: "ويشرحلى يعنى إيه أوفسايد وضربة حرة مباشرة والفاول وكل المصطلحات الكروية خصوصًا إنه الله يرحمه مكنش عنده ولد كلنا كنا بنات ومحدش كان بيحب الكورة غيرى".

وأضافت آيتن عامر، قائلة: "تقريبًا أنا الوحيدة اللى علمنى طاولة ودومينو وكان بياخدنى معاه القهوة أقعد معاه ومع أصحابه ألعب معاهم طاوله، علمنى السواقة وأنا صغيرة أوى كان بيسمعني أم كلثوم وبيحفظنى أغانيها عشان أغنيهاله مع أغانى عبد الوهاب و فريد".

آيتن عامر: الناس دى أكيد مشافوش حسام وإبراهيم لما كانوا بيلعبوا

وأكملت آيتن عامر، قائلة: "مقدمة كبيرة شوية سببها إني افتكرت الحاجات الحلوة دى كلها عشان بضحك  بسبب الشباب اللي مستغربة انفعالات حسام وإبراهيم، كل الناس دى أكيد مشافوش حسام وإبراهيم لما كانوا بيلعبوا".

واختتمت آيتن عامر، قائلة: "كانوا بجد رجالة مش بتوع هزار وأي خناقة في الملعب تشوف إبراهيم جي جري من ورا مش عشان يفض، عشان يضرب، الله يرحمك يا بابا وربنا يسترها علينا وعلى المنتخب بتاعنا".