«المدرب الأعظم في تاريخ مصر».. مروان سري: حسام حسن مفاجأة كبيرة لينا
أشاد البلوجر مروان سري، بأداء منتخب مصر في كأس العالم 2026، قائلا: «أنا مع حسام حسن جدا.. واللي حصل في الجزء التاني من مباراة مصر ونيوزيلندا ده بسببه.. أنا في الأول زيي زي ناس كتير كنا بنحبه لكن مش متخيلين هو هيدي إيه للمنتخب».
وأضاف، خلال استضافته في بودكاست «فايق ورايق في المونديال» مع الإعلامي إبراهيم فايق: «مكنتش متخيل الراجل ده إيه قدرته في الملعب أو ممكن يعمل إيه.. يعني هو عنده روح ومتأكد إن الراجل ده بيحب مصر جدا ولا جدل في ده لكن مكناش نعرف هيقدم إيه».
وتابع سري: «لكن حسام حسن كان مفاجأة هو مقدمش روح بس لا ده قدم حاجات كتير في الملعب وخارج الملعب.. لو كان مدرب أجنبي عمل كل ده كان زماننا عاملين تمثال ليه.. لكن هو حقيقي المدرب الأعظم في تاريخ مصر».
وواصل: «هو من أول ما بدأ وهو بينتقد لكن كل فترة بيثبت إنه صح والناس بتقف معاه وحقه هو فعلا عظيم».
وخلال الحلقة، كشف البلوجر مروان سري، عن بداياته، قائلا: «أنا الأول بدأت على يوتيوب أتكلم في الكورة بس كان بشكل مختلف.. مثلا كان كل الناس بتتكلم عن أحسن تشكيل للاعبي بعض الفرق.. وناس بتحلل كورة، لكن أنا كنت عايز أختلف عنهم».
وأضاف: «عملت برنامج مش هينفع أقول اسمه بيتكلم عن أوحش تشكيل للاعبي بعض الفرق.. لكن بعد شوية غيرت اسمه علشان الأطفال».
وتابع: «فكرة الحلقات دي نجحت جدا جدا لأنها كانت مختلفة.. وأنا أصلا كنت عايز أمثل ولما دخلت مجال الكورة كان هزار وترفيه يعني مش بتكلم بجد مكنتش عايز أحلل علشان مش مختلف».
وفي وقت سابق، تم إعلان الخبر السعيد لليوتيوبر الشهير، مروان سري، حيث فوجئ الجميع من خلال صفحاته علي مواقع التواصل الاجتماعي أعلان شراءه أسهم في نادي من الأندية الإنجليزية وهو "نادي داغنهام آند ريدبريدج" الذي ينشط في دوري الدرجة الخامسة الإنجليزي.
وسواء كنت مهتم بالرياضة وبالأندية العالمية أو لا، فمن المؤكد أن الخبر جذب إنتباهك، وعلى الأقل قمت بالبحث على اسم النادي وكيفية شراؤه، خاصة بعد ما نشر النادي، في بيان رسمي كلمات ترحيب شديدة حيث قال: "يسرّنا الترحيب بمروان سري، اليوتيوبر المصري ورائد الأعمال المبدع ومؤسس قناة "أرزع" لكرة القدم الشهيرة، في مجموعة مالكي نادي داغينهام وريدبريدج لكرة القدم إلى جانب نادي أندردوغ، ويُضفي مروان على نادينا منظوراً عالمياً وشغفاً عميقاً بكرة القدم" ، وإنهالت التهنئات من مصر ومن مختلف الدول لمروان سري، الذي يتابعه أكثر من 5 مليون متابع عبر مختلف المنصات.
