حلمي عبد الباقي بعد بيان مصطفى كامل: أنا لا بخاف ولا بتهدد وطلعوا مستنداتكم
من جديد، نشر حلمي عبد الباقي، فيديو على صفحته يرد فيه على نقابة المهن الموسيقية ونقيببها وبعض أعضائها، على خلفية الاتهامات الموجهة له من قبل النقيب وشطبه من النقابة.
وقال حلمي عبد الباقي: “لا يحيق المكر السيء إلا بأهله، ومكنتش عاوزى اتكلم ولا اعلق، لكن لو ما اتكلمتش هيتقال إني بخاف، والحمد لله لا بخاف ولا بتهدد ولا على راسي بطحة، الفيديو بتاعي موجود على صفحتي ماشلتوش ولا هشيله”.
وأضاف: “لا اتكلمت على المجلس ولا اسأت له، في الآخر، تحس اللي بيحصل خطة محبوكة، كله مرة واحدة بيهاجمني ونفس الاتهام والكلام، لو عندكم مستندات ليه محدش قدمها في التحقيق ليه، ليه ما حدش اداني، لو عليا ربع مستند كنتم علقتوني في السقف، تهمتي تهمة شرف، الكلام ده قلته قبل كد.. أنا ساهمت في علاح ناس غير قادرين، ودي تهمة مشرفة”.
وتابع: “مفيش حد في النقابة عمره خلال فترة وجودي هناك عمر ما حد مسك عليا حاجة.. أنا ماليش في الحاجات دي، وكل واحد تاريخه معروف ومش بيتزور".
وكان مصطفى كامل، نقيب المهن الموسيقية، أعلن في بيان أنه يستعد لنشر فيديو خلال الفترة المقبلة يكشف فيه تفاصيل الأزمة بينهما مدعومة بالمستندات والوثائق، بحسب قوله.
وأكد أنه سينشر كافة المبالغ التي حصل عليها حلمي عبد الباقي مقابل بدلات السفر والمأموريات، واتهمه أيضًا بتقاضي رشوة، مؤكدًا امتلاكه شهودًا من أعضاء مجلس النقابة السابق على تلك الواقعة.
