مدحت تيخا يتعرض للنصب.. ويهدد بكشف تفاصيل شيك متأخر منذ 3 سنوات

نشر الفنان مدحت تيخا عبر حسابه على موقع «فيسبوك» منشورًا كشف فيه عن تعرضه لعملية نصب تتعلق بشيك لم يتم سداده منذ ما يقرب من ثلاث سنوات.

وكتب تيخا في منشوره: « أنا أتنصب عليا في شيك بقالي ٣ سنين إلا شهر وكام يوم من (ع م ) غير (ع م ) بتاع اخبار النهارده، وطبعا أنا ساكت طول السنين دي قولت اقف جنبه واستني الدنيا تتيسر وهو كل شوية يقوللي أسبوع والفلوس جاية وأنا أقول اكيد هيبيع حاجة من أملاكه ويدي الناس فلوسها ولكن مفييييش أتاريه بيصرف فلوسنا علي اشيااء اخري».

وتابع: «انا غلطتي اني طلعت جدع ووقفت جنبه ومرضيتش ارفع قضية عليه بالشيك ولكن اللي في داء مبيبطلوش وانا صبرت مع الشخص الغلط لان المحترمين معروفين في الوسط كله». 

واختتم منشوره قائلاً: «ملحوظة لصاحب الشيك ادامك مهله لأول الأسبوع القادم لو الفلوس مجاتش اسمك هيكون حديث المواقع كلها غير القضية، وربنا ينجينا من امثااال هؤلاء في المهنة دي يارب».