عمرو محمود ياسين: الهجوم علي دليل على نجاحي.. ومبزعلش من الانتقاد
أوضح السيناريست عمرو محمود ياسين، خلال لقائه مع الإعلامي أحمد سالم في برنامج «كلمة أخيرة»، موقفه من الجدل الدائر حول علاقته بالسوشيال ميديا وما يواجهه من انتقادات أو حملات إلكترونية، مؤكدا أنه لا يتأثر شخصيا بما ينشر عنه.
زعلان ليه من السوشيال ميديا والمواقع؟
وجاء ذلك ردا على سؤال الإعلامي أحمد سالم: «زعلان ليه من السوشيال ميديا والمواقع؟ صفحتك متشافه قوي وبقالك فترة واضح إنك زعلان.. زعلان من إيه؟»، ليرد عمرو محمود ياسين قائلا: «لا أنا ما بزعلش خالص، خلي بالك أنا كـ عمر بارد جدا جدا في الحاجات دي وما بزعلش إطلاقا».
وأضاف أنه لا ينزعج لنفسه، لكن قلقه يكون على المقربين منه، قائلا: «أنا بزعل ساعات على الدايرة اللي حواليا.. زوجتي، أولادي، أمي، أي حد من الناس اللي بتحبني بينزعج جدا من الحاجات دي».
وأشار إلى أن أسرته معتادة على طبيعة الوسط الفني، موضحا: «إحنا كعيلة فنية متعودين على كده.. سواء محمود أو مدام شهيرة أو أياد أو رانيا، كلنا متعودين على الكلام ده».
وأكد أنه لا يدخل في صدامات مع الصحافة أو الإعلام، قائلا: «أنا في حالي جدا.. عمري ما كان عندي صدمة مع الصحفيين، لأن أنا دايما حريص أكون ملتزم في التعامل».
حروب النجاح عبر مواقع التواصل الاجتماعي
وتحدث عمرو محمود ياسين عن فكرة «حروب النجاح» عبر مواقع التواصل الاجتماعي، قائلا: «لما بيحصل نجاح بيزعل بعض الناس، وساعتها بيستخدموا السوشيال ميديا كسلاح للهجوم».
وأضاف أن هناك حملات إلكترونية منظمة تستهدف بعض الأسماء، قائلا: «فيه لجان إلكترونية بتتفق على الهجوم أو الترويج لحد تاني.. وفيه ناس بتدفع أرقام كبيرة في حملات مضادة، وده واقع موجود».
وأكد على أنه يفضل التركيز في عمله ونجاحه بعيدا عن هذه الأجواء، معتبرا أن الاستمرار في العمل هو الرد الحقيقي على أي هجوم.
