ريهام سعيد تكشف التفاصيل الكاملة حول حادث هدير بائعة القهوة |فيديو
كشفت الإعلامية ريهام سعيد عن التفاصيل الكاملة المتعلقة بحادث هدير الشهيرة ببائعة القهوة، وذلك عقب حلقتها من برنامج صبايا الخير، من خلال بث مباشر عبر حسابها الرسمي على موقع التواصل الإجتماعي فيسبوك.
التفاصيل الكاملة لحادث بائعة القهوة
حيث قالت ريهام سعيد: "الحلقة كانت الساعة ٩ ووزارة الداخلية نزلت بيان معتمدة على أقوال الولد في القسم، لازم لما نغطي حاجة نغطيها بشكل رسمي، وبيان الداخلية قال أنه هو اللي كان سايق، بناء على شهاداتهم، كان معانا على الهوا كنزي حافظ زميلة هدير وقالت أن هدير عندها ٢٧ سنة وكانت مخطوبة بقالها ٣ شهور، ودي عربية قهوة بتاعت واحد مش بتاعت هدير، وبتاخد في الساعة ٢٥ج بتفضل واقفة من ٨ص ل٨م، وهما واقفين في طريق بطئ، طبيعي تبقى في الطريق لأنها عربية وبيفتحوا شنطتها ويشتغلوا عليها، زي اي عربية بنشتري منها، ده مش معناه أن أحنا نشيلهم، العربية بتاعت والد الولد، شهود العيان شهدوا أن البنت اللي كانت سايقة، ونزلت بتضحك، وباباها وصل المكان وقال كل حاجة هتتحل، مشفقة على والدة البنت ووالدة الولد زعلانة منهم ولكن مشفقة عليهم، هل حضرتك كنتي تعرفي ان بنتك نازلة تركب عربية مع زميلها حتى لو عرفاه وبتتعلم السواقة، هل ١٥ سنة مبقوش اطفال في زماننا ده، لما اتعرضوا على النيابة اعترفوا كلهم أن البنت كانت سايقة والولد كان بيعلمها السواقة، اللي بيتعلم السواقة بيمشوا على سرعة ١٠ بس شهادة كنزي أن العربية كانت على سرعة عالية، ممكن يكون ضحك البنت يكون من وهل الصدمة، وفي القانون ممكن أبوهم يتحبس عشان أنتوا مسئولين على ولادكم، أنا بصلح اللي أنا قولته بناء على بيان النيابة".
حلقة ريهام سعيد من برنامج صبايا الخير
وقد أعربت الإعلامية ريهام سعيد عن غضبها الشديد وحزنها إزاء واقعة دهس فتاة بائعة القهوة في منطقة حدائق الأهرام، مؤكدة أن القضية لا تتعلق بحادث سير عادي، وإنما تمس احترام القانون والحفاظ على أرواح المواطنين.
وقالت ريهام سعيد إن هناك أشخاصا لا يجب أن يقودوا السيارات إذا لم يكونوا قادرين على تحمل مسؤولية القيادة، مضيفة: «ما تركبوش عربيات.. اللي مش قد يركب عربيات ما يركبش عربيات، والله أصل هو مش بالفلوس ومش بالقدرة ومش بكده، دي أخلاق في الآخر، ما فيش حد عنده أخلاق يعمل كده، ما فيش حد عنده ضمير».
وأضافت أن ما حدث لا يمكن النظر إليه باعتباره مجرد حادثة عابرة، موضحة: «إحنا مش بنتكلم دلوقتي في حادثة عادية، الموضوع أكبر من ذلك بكتير قوي، إحنا لازم نلتزم، ولازم نلتزم بالقانون عشان ما ينفعش أرواح الناس تروح».
