زوجة أحمد مكي تحتفل بعيد ميلاده : أغلى من الياقوت وبحبك يا كبير
احتفلت طبيبة التجميل مي كمال الدين، بعيد ميلاد زوجها الفنان أحمد مكي، حيث شاركت عددًا من الصور له، عبر حسابها الرسمي على إنستجرام، موجهة له رسالة رومانسية طويلة.
وكتبت زوجة أحمد مكي : "النهارده عيد ميلادك 19/06/1980، حبيبي كل سنة وأنت أغلي من الياقوت، أنا مكنتش عايزة أكون أول حد يقولك كل سنة وأنت طيب النهارده، علشان كل أول حاجة في حياتك كانت صعبة ومش حلوة، وأنت تعبت أوي، بس ربنا يقدرني أعوضك وأسعدك".
وواصلت : "بدعي ربنا أكون آخر حاجة في كل حاجة، أكون مسك الختام، حتى لو كنت أول حد دايمًا جنبك ومعاك، وبتمنى أكون آخر حب في قلبك، حتى لو كنت أول حد عرفك معنى الحب والأمان، وحبك حب غير مشروط ولاقى سعادته في ابتسامتك".
وأكملت مي كمال الدين : "أول حد حبك أكتر من نفسه وخاف عليك أكتر من نفسه، بس نفسي أكون آخر شخص دخل قلبك واطمن له، وآخر حد تكمل معاه وتلاقي فيه راحتك، يمكن دي أمنية كبيرة، ربنا يقدرني أعوضك وأسعدك، بس دي الحقيقة اللي جوايا وبتمناها من ربنا".
واختتمت زوجة أحمد مكي : "كل سنة وأنت طيب حبيبي وابني الجميل، وكل سنة وأنت أغلى من الياقوت، ويارب تكون سنينك الجاية كلها رضا من ربنا وفرحة ونجاح وراحة لقلبك، وينور بصيرتك ويعوضك كل خير بكل الي مريت بيه، بحبك يا كبير، مكي".
وكانت قد أعلنت طبيبة التجميل مي كمال الدين، في أبريل الماضي، عودتها للفنان أحمد مكي، في تصريحات لـ "نيوز رووم"، وذلك بعد فترة طويلة على إعلان طلاقهما.
