أمراض نفسية تصيب النساء دون الرجال.. وتقلبات مشاعر مع الهرمونات
هل لاحظتِ يومًا أنكِ تمرين ببعض تقلبات مزاجية نفسية حادة بدون سبب واضح؟ الحقيقة أن الهرمونات عند النساء تلعب دور البطولة في هذه القصة وذلك لا يصيب الرجال ، من أول سن البلوغ لحد سن اليأس، الهرمونات تمشي معنا خطوة بخطوة، وأحيانًا تقلب لنا يومنا رأسًا على عقب.
قبل الدورة الشهرية: مش بس مزاج متقلب
كتير بنسمع عن "توتر قبل الدورة"، بس في حالات بتكون أقوى بكتير، زي اضطراب ما قبل الطمث الاكتئابي، البنات اللي بيمروا بالحالة دي ممكن يحسوا بحزن عميق، نرفزة غير مبررة، أو حتى إحساس بفقدان السيطرة، والحقيقة؟ مش ذنبهم خالص، ده تأثير كيميائي حقيقي جوه الجسم، مجموعة من الأعراض الجسدية والنفسية التي تسبق الحيض، إلا أنها تكون شديدة، وأكثر تأثيراً في الحياة اليومية خاصة النفسية منها مثل: الاكتئاب، أو تقلب المزاج، أو التوتر، وعادة ما تظهر هذه الأعراض قبل أسبوع أو أسبوعين من بدء الحيض، وتتلاشى خلال 2-3 أيام من بدء الحيض، يصيب اضطراب ما قبل الطمث الاكتئابي حوالي 5% من النساء.
بعد الولادة: من الفرحة للاكتئاب؟
رغم إن الأمومة لحظة عظيمة، إلا إن تغيرات الهرمونات بعد الولادة ساعات بتسبب "اكتئاب ما بعد الولادة"، الأم الجديدة ممكن تحس بحزن، قلق، تقلبات في الهرمونات أو حتى عدم ارتباط بمولودها، مهم جدًا نفهم إن ده مش ضعف، دي مرحلة مؤقتة محتاجة دعم وحب كبير.
سن اليأس: بداية جديدة.. بس فيها تحديات
لما الهرمونات الأنثوية تبدأ تقل مع سن اليأس، المزاج ساعات بيتأثر ويحدث تقلبات ، النوم يتلخبط، التركيز يقل، والحالة النفسية تبقى محتاجة رعاية أكتر، بس الجميل إن الوعي والعناية بالنفس في المرحلة دي بيخليها بداية حلوة لفصل جديد من الحياة.
الحل؟
أول خطوة: ما تلوميش نفسك أبدًا
تاني خطوة: اتكلمي! سواء مع صديقة، طبيب، أو حتى مع نفسك، مجرد التعبير بيخفف كتير.
وأخيرًا: حافظي على رياضة خفيفة، أكل صحي، ونوم مريح.. جسمك وعقلك هيشكروكي.
الهرمونات مش عدونا، هي جزء مننا، وأي تقلب بنمر بيه هو رسالة إن جسمنا محتاج لحظة اهتمام
خليكي لطيفة مع نفسك، وخدي وقتك.. لأنك تستاهلي كل خير.
