يارا حسام حسن: بابا كان بيراجع كل ماتش ويعرف الأخطاء ويركز عليها

كشفت يارا حسام حسن، ابنة قائد منتخب مصر الحالي العميد حسام حسن، عن كواليس والدها في المنزل بعد الفوز بالمباريات، قائلة: «لما بابا كان بيرجع البيت وهو كسبان في ماتش معين كنا بنحتفل ونرقص ونفرح والبيت مش بينام».

وأضافت، خلال استضافتها في برنامج «الستات» المذاع عبر شاشة النهار، مع الإعلامية سهير جودة: «لكن النقيد تماما بيحصل لما بنخسر كل واحد بيدخل على غرفته وخلاص مفيش أي حد يتكلم ولا يعمل صوت ويقعد يتفرج على الماتش كله تاني ويركز ويعرف الغلطة منين ويكلم عمي إبراهيم حسن يشرحله وبعدين يكلم كابتن الفرقة ويشرحله».

وتابعت: «مش مسموح لحد فينا يعمل صوت خالص وكل واحد في غرقته.. هو بيروح بس يقعد مع ماما يتكلم معاها أو يقعد مع جنا اختي الصغيرة بس».

وفي وقت سابق، كشفت جيجي، زوجة الكابتن إبراهيم حسن، مدير الكرة بمنتخب مصر، عن كواليس طريفة عاشتها في بداية علاقتها بالعميد بسبب التشابه الكبير بينه وبين شقيقه الكابتن حسام حسن.

التشابه بين إبراهيم حسن وحسام حسن

وقالت جيجي إبراهيم خلال ضيافتها في برنامج "الستات" المذاع عبر قناة "النهار": "في أول أيام التعارف كنت بتلخبط جدا بين إبراهيم وحسام، وأول مرة شفتهم في النادي، جه حسام سلم عليا بسرعة ومشي، فاستغربت جدا وقلت لصاحبتي إيه ده؟ مش ده اللي معجب بيا؟ فضحكت وقالتلي ده حسام.. إبراهيم لسه ماجاش".

ولم يتوقف الأمر عند الزوجة فقط، بل امتد للأبناء، حيث أشارت زوجة مدير الكرة إلى أن أطفالهم عاشوا نفس الحيرة في صغرهم، قائلة: "بنتي الصغيرة كانت أوقات تشوف واحد فيهم وتقعد تعيط، بتبقى مش عارفة ده بابا ولا عمو، التشابه كان بيخليها تدخل في نوبة بكاء من الخضة".

كشفت جيجي إبراهيم حسن، زوجة الكابتن إبراهيم حسن مدير الكرة بمنتخب مصر، عن كواليس حول بداية علاقتهما، وكيف تحولت صدفة في حفل زفاف إلى زواج استمر لأكثر من 3 عقود.

اعتزاز بلقب زوجة إبراهيم حسن

وعن ارتباط اسمها باسم زوجها، أعربت جيجي عن سعادتها بهذا الأمر، مؤكدة أنها تحرص على كتابة اسم جيجي إبراهيم حسن حتى عبر حساباتها على مواقع التواصل الاجتماعي، موضحة: "ربنا لما بيحب حد بيحبب فيه خلقه، وكوني زوجة لإنسان الناس بتحبه ده كرم كبير من ربنا".