رحلة الـ100 ساعة.. مخرج فيديو الأهرامات يكشف كواليس التصوير وحقيقة إيجار المنطقة

أشاد المخرج العالمي رامي روماني وعالم المصريات بدور الحكومة المصرية في تسهيل مهام التصوير في الهرم، مشيدا بتخطي مشاهدات الفيديو لأكثر من 40 مليون.

وأضاف المخرج المصري العالمي، خلال مداخلة هاتفية ببرنامج«على مسئوليتي» والمذاع عبر فضائية «صدى البلد»: «انا طول عمري وأنا بخرج وبنتج برامج كتيرة.. نفسي أرجع مصر واعمل حاجة تشرف مصر، والحمد لله حصلت».

دعم السياحة المصرية

واستكمل: «انا هنا بخرج برامج وفي يوم من الأيام اقترحت لو عملت فيديو لمصر هيبقى كويس جدا بالنسبالك، وكلموني قالي أنت تقدر توصلنا بمصر ونعمل حاجة زي كنا، قولتله ايوا أقدر ومصر هتبقى مبسوطة إن هنعمل حاجة زي كده، وكلمت الأستاذ هشام سليمان المنتج، وأستاذ أحمد بدوي وفي خلال شهر قررنا هنعمل أي، والبلد كانت بتساعد وبتسهل كل حاجه، وكان فيه حاجات صعبة من الممكن إن تتعمل لكن البلد كانت مقدره قد أي دا هيكون كويس لمصر».

وأشار المخرج رامي روماني  إلى أن الدكتور زاهي حواس أصر على المشاركة في هذا الحدث (تحدي الـ 100 ساعة داخل الاهرامات) وكان من المرافقين.

وخطف تحدي الـ 100 ساعة  أنظار العالم، حيث خاض اليوتيوبر العالمي جيمي دونالدسون، المعروف بـ (مستر بيست) وفريقه تجارب قاسية واختبارات ذهنية وبدنية في أهرامات الجيزة.

إغلاق الأهرامات أثناء التصوير

وأكد على أنه لم يتم إغلاق الأهرامات خلال فترة التصوير؛ موضحا: «أول ما چيمي (جيمي دونالدسون) طلب أثناء التصوير قال أنا ممكن أقفل الأهرامات لنفسي رديت عليه قولتله يا چيمي أنا عارف إن أنت مهم بس الأهرامات دي مهمة للعالم كله، والعالم كله بيجي علشان يبصو عليها».

وأشار إلى أن عمليات التسجيل استغرقت 100 ستعة، كما أن "چيمي لم يخرج من الهرم، ولم يكن هناك إيجار للهرم ولا قفل للأهرامات من السياحة، كما أن هذه الشائعات دائما ما تحدث، لكن لم يحدث مثل تلك الأمور تماما أثناء التصوير".

وأكد على أن الدولة حصلت مبالغ جيدة نتيجة تصوير هذا الفيديو، كما أن الأهم من المبالغ التي دخلت الدولة هو مدى انتشار الفيديو، فمن المتوقع أن يتخطى الفيديو حاجز الـ300 مليون و 400 مليون.

وقال المخرج المصري العالمي رامي روماني: «مستر بيس چيمي كلمني امبارح وقالي إن الحسابات اللي بتتم على كل فيديو لما يطلع، بيقولي الفيديو دا هيحقق أحسن نسبة مشاهدة على مستر بيس نفسه، وهما بيعتقدوا إن الفيديو دا هيعظي أعلى نسبة مشاهدة».