راندا البحيري: "مستغربة الناس اللي زعلت لما اشتكيت بـ لبن بعد إصابتي بالتسمم"

بعد تصدر راندا البحيري التريند على محركات البحث بسبب واقعة تعرضها للتسمم في مطعم بلبن، مما أثار قلق متابعيها بشدة، فقررت أن تظهر في بث مباشر عبر صفحتها الرسمية على موقع التواصل الاجتماعي فيسبوك، وعبرت عن امتنانها لكل متابعيها الذين يريدوا أن يطمئنوا عليها، ولكنها تحدثت عن شئ أزعجها.

راندا البحيري تنزعج من تعليقات الجمهور بعد واقعة بلبن

وقالت راندا البحيري: “اللي أنا مستغرباه الناس اللي مضايقة أن أنا اشتكيت .. قبل كده نزلت بوست أني اتسممت وناس كتير قالتلي كنتي اشتكيتي وده حقك .. مع أنه كان مطعم مصري ومكنتش عايزة اشتكي عشان ميقولوش مصرية بتشتكي مصري .. بس كله غلطني وقتها .. كان براند مصري في أبو ظبي .. ومرضيتش أشتكي مع أني كنت هاموت .. ومحدش فيهم هينفعني لو حصلي حاجة .. وبالفعل محدش نفعني .. ووقتها بعتلهم مسدج أقولهم اللي حصلي وأني محتاجة أدخل المستشفى ومعنديش تأمين صحي .. قفلوا السكة في وشي وعملوا سيين ومردوش على الواتساب .. عايزة بس أطمن الناس عليا والموضوع عدى .. وجالي الرد من هيئة أبو ظبي للزراعة والسلامة الغذائية أنه تم عمل تفتيش ميداني وتبين لهم وجود عدم إلتزام من قبل المنشأة .. وتم وضع المنشأة قيد الرقابة الدورية للتحقق من عدم تكرار المخالفة.”.

رد راندا البحيري على أحد متابعينها

وقام أحد متابعيها بالتعليق قائلًا: “المسامح كريم”، لترد عليه راندا البحيري: “حضرتك لو بنتك اللي اتسممت هتسامح؟ .. وكانت بتموت قدامك هتسامح؟ .. فكرة انك توصل لمرحلة أنك عايز ترضي الكل .. من المستحيلات .. وأنا مش مهم بالنسبالي خالص أني أرضي الناس .. المهم كون أن ربنا راضي عني .. وأنا راضية عن أفعالي وشايفة أنها تناسب ديني وأخلاقي وتربيتي .. بس يا جماعة يعني لما كنت مش عارفة أعمل ايه كتبتولي لازم تاخدي حقك ومتسكتيش .. ولما حاولت أخد حقي .. الناس كتبالي ينفع كده ..  وبوستات المصريين مع بعض في الغربة .. ايه علاقتها وعلاقة أني اتسممت وشوفت الموت بعيني .. وحصلي بلاوي .. اتعلقلي محاليل وروحت المستشفى بالاسعاف .. ليه اتهاون في حقي بالمنظر ده .. الكلام ده حصل بجد وتم التفتيش من كذا شهر مش دلوقتي بس .. لو الناس دي مكاني هيسعوا ورا حقهم”.

آخر أعمال راندا البحيري

وقد شاركت الفنانة راندا البحيري في موسم رمضان السابق لعام 2025 بمسلسل شمال إجباري، وهومن بطولة أحمد كرارة، إيمي، هاجر الشرنوبي، هالة فاخر، صلاح عبدالله، حسن عبد الفتاح، حسام داغر، فراس سعيد، سمسم شهاب، إبرام سمير، محمود فارس، علاء زينهم، مصطفي الغيطاني، محمد السني، ميرا الموجي، مريم سرحان، دعاء حاتم، عبده الخولي، رانيا التومي، نهى رأفت، أوزوريس، إسلام عماد، راندا البحيري، عماد رشاد، أحمد عزمي، مهرة مدحت، هايدي رفعت، محمد السني‘ لبنى ونس‘ محمد لطفي، ومن تأليف خالد الغيطاني، ومن إخراج محمد خضري