"نيوز رووم" تواصل نشر شهادات مرضي مستشفي الشاطبي للولادة

تواصلت ردود الفعل الصادمة حول أزمة مستشفي الشاطبي حيث تابع عدد كبير من المريضات نشر شهاداتهم حول ما تلقوه من معاملة سيئة ومهينة داخل المستشفى حيث نشرت احدي المريضات وتدعي أمنية ربيع تجربتها مع مستشفي الشاطبي منذ 4 سنوات حيث ترددت على المستشفى لمدة عام عانت خلالها من سوء المعاملة والإهانة بخلاف عدم تشخيص حالتها بشكل صحيح والإكتفاء بمنحها مسكن دون تقديم العلاج المناسب حيث سق تشخيصها في مستشفي آخر بوجود "أكياس شيكولاتة على المبيض" مشيرة إلى أن الأطباء أرادوا اجراء جراحة قيصرية لها لإزالة الأكياس رغم مخالفة ذلك للأعراف الطبية"

وأكدت أمنية ربيع أنها كانت شاهدة على سوء معاملة المريضات من قبل أطباء النساء والتوليد لمجرد أنهن متزوجات حتى أنها كرهت الزواج لأن الأطباء على حد تعبيرها كانوا يهينون المتزوجات بشكل أكبر من الآنسات.
وقالت "ربيع" على صفحتها الشخصية : " أنا آنسه بس محتاجه احكي تجربتي مع مستشفى الشاطبي ! 

من 4 سنين تعبت تعب شديد في الشغل و بعد لف يومين تلاته على الدكاتره و المستشفيات 
في مستشفى راس التين في بحري بعد الكشف و السونار اتضح اني عندي ( اكياس شيكولاته على المبيض ) 
قالولي هناك لازم تطلعي على مستشفى الشاطبي عشان هي الحل الوحيد لحالتك و دي احسن مستشفى نسا و لازم تتابعي هناك ! 
فعلاً اتحركت أنا و والدتي على مستشفى الشاطبي و قدمت الإشاعات و التحاليل بتاعتي اللي صممو وقتها اني اعمل نفس الإشاعات و التحاليل عندهم ( عشان الدفع طبعاً ) 
اه في دفع رغم انه مستشفى حكومي عادي كل ورقه هناك بتدفعي تمنها و كل ممرضه بتسأليها سؤال لازم تاخد تمنّه الاول و الله. ! 
المُهم أنا فضلت سنه بتعذب ! 
بتعذب من الأسلوب القذر اللي بتعامل بيه و اللي بيبقى أهون شويه لما يعرفو اني انسه طريقة الكلام بتتغير شويه للآحسن و الاهانه بتقل 
لكن شوفت بـ عيني الحالات بتتعامل ازاي بمنتهى قلة الزوق و قلة الأخلاق و الإيمان لدرجة اني وقتها كنت بخاف من الزواج و اني يُطلق عليا اسم " مدام " لمجرد اني متعاملش المعامله دي! 
كُنت يومياً بروح المستشفى من الساعه 7 الصبح عشان الحق دور اكشف بس اكشف و اعرف اللي عندي او هعمل عمليه ازاي ! 
يوميًا من ٧ الصبح لـ 3 العصر قاعده ع الارض لأن معظم الحالات بتكون حوامل و هي أولى بالكراسي المحدوده جدًا هناك 
و في آخر اليوم الرد بيكون ( الدكتور مجاش ، عدد الحالات اكتفى ) 
و لو تكرموا عليا و كشفت بيكون حد من الامتياز اللي بيكشف و يديني مسكن و امشي بتوجع و افضل اتألم لغاية ما يحنو عليا تاني يوم و أنا و حظي يا اكشف يا امشي و في الاخر بمشي ! 
سنه من الذل و الاهانه و البهدله و في الاخر اتقالي لو عملتي العمليه هتكون قيصريه مش منظار عشان جهاز المنظار بايظ و فوق ده هيكون في عُقم لأن العمليه دي خطر اوي على بنت زيك ! 
بعد سنه ؟؟؟ 
سنه بتعذب بتقولولي كده ! 
لآخر لحظه كنت همضي إقرار و اعمل العمليه على مسؤليتي عشان ارتاح بس و لولا اهلي أنقذوني 
و في الآخر ربنا كرمني بدكتور خاص محترم و نضيف و عملي العمليه في مستشفى نضيفه و راعى حالتي و أنا دلوقتي تمام و زي الفل !!