مفيش صاحب زيه .. فيدرا تستعيد ذكرياتها مع هشام سليم

استعادت الفنانة فيدرا ذكرياتها مع الفنان الراحل هشام سليم، والذي رحل عن عالمنا في سبتمبر من عام 2022.

وشاركت فيدرا عبر حسابها الشخصي على فيسبوك صورة جمعتها بـ هشام سليم، وكتبت : "3 سنين ونص تقريبًا، بصراحة مش عارفة الوقت ده عدى إزاي، الحياة بتجري بينا، شغل ومسؤوليات ومشاكل وحاجات كتير بتاخدنا، وساعات الواحد ما بيلحقش يحس هو حاسس بإيه أصلًا".

وتابعت : "النهارده كان يوم طويل ومليان، ولما هديت وقعدت مع نفسي شوية لقيت هشام جه في بالي، وقعدت أفكر إن فعلًا مش هيبقى فيه صاحب زيه تاني في حياتي".

وأضافت فيدرا مشيدة بالفنان الراحل : "في ناس وجودها بيبقى حاجة نادرة جدًا، ولما بيمشوا بيفضل مكانهم فاضي مهما عدت سنين ومهما قابلنا ناس، وحشتني يا هشام".

واختتمت فيدرا : "وأعتقد إن قليل أوي من الناس في الدنيا كانوا محظوظين إن يبقى عندهم صاحب زيك،وأنا من الناس دي، ربنا يرحمك".