طليقة مسلم في تصريحات جديدة بعد حكم حبسه : ابنه عيط لأنه مرضيش يقابله

خرجت ضحى عبده، طليقة مطرب المهرجانات مسلم، في تصريحات جديدة، عبر ستوري حسابها الرسمي على إنستجرام، بعد الحكم على مسلم بالحبس لمدة 6 أشهر منذ أيام قليلة.

وشاركت طليقة مسلم صورة لنجلهما أثناء ذهابه لزيارة والده، والذي رفض رؤيته حسبما أكدت، وكتبت : "منور عمارة أبوك، معلش المرة الجاية ترجع بمصاريفك من أبوك".

وواصلت طليقة مسلم : "بيقول أنا بدفع النفقة والمصاريف، روحت عند بيته وأتهرب، فجبت ابنه معايا عشان ميقولش إني مش بخليه يشوف ابنه، ومرضيش يفتح الباب لابنه".

وأضافت : "للأسف فضل يقولى بابا مش عايز يفتح لي وفضل يعيط"، وتابعت : "فاتحين النور وفضلت من الساعة 5 ونص لحد الساعة 11 بليل تحت البيت، آخر ما تعبت مشيت".

وأكملت ضحى عبده طليقة مسلم : "أنا عملت كده بس بثبتلكم إني مش بكدب، وإنس مش واحدة وحشة وعايزة أطلع تريند وبعمل شو زي ما بيتقال".

وأردفت : "علشان بس فيه ناس مريضة بتكتب نفسيته وبتاع، طيب ليه مقولتوش نفسيته لما طلع يقول بتكرهني في ابني قدام الناس، وليه لما مشيت في إجراءات قانونية واتكلمت على السوشيال زعلتوا إني عملت كده".

واختتمت طليقة مسلم : "طب إيه اللي يرضي عقليتكم، الود مش نافع، قانوني مش عاجبكم، بجد ربنا يهديهم على عقليتهم دي والله".

وكانت قد علقت ضحى عبده، طليقة مطرب المهرجانات مسلم على الحكم بحبسه لمدة 6 أشهر مع الشغل، وكفالة 3 آلاف جنيه لإيقاف تنفيذ العقوبة، وذلك في القضية المقامة ضده من قبلها، والتي اتهمته فيها بالتبديد.

وكتبت عبر إنستجرام مؤخرًا : “من فترة كنت فقدت الأمل إني آخد حقي وحق ابني من أب للأسف لقب أب لا ينطبق عليه.. رمى ابنه ومبيسألش عليه وطبعًا لأنه انشغل بشغله وأطماعه والشهرة.. مفرقش معاه لا صلة رحم ولا طفل كل ذنبه إني اخطأت في اختيار أب ليه ولكن هنقول إيه ده نصيب”.

وأضافت: “لأن الحمدلله وبعد فترة من البهدلة والجري ورا حق ابني وطبعا بعد ربنا الفضل للأستاذ واليد أبوبكر المحامي إلى بعد ربنا كان له الفضل أنه يرجع حق ابني تمكنت من الحصول على حكم بحبس طليقي وده لأنه ممتنع عن سداد نفقه ابنه وبيتهرب منها.. وطبعا مش هنسي اشكر وزارة الداخلية لأنها متاخرتش في ادراج الحكم عليه وبدءو في التحريات عن محل إقامته لتنفيذ الحكم.. وأخيرا أحب أقول انه لايضيع حق وراءه مطالب”.