بنتي اتباعت بكام؟.. شمس طليقة سعد الصغير تفجر مفاجآت عن "نخاسة الأجنة"
واصلت الراقصة شمس هجومها على طليقها الفنان سعد الصغير، وذلك في آخر ظهور لها عبر موقع "نيوز رووم"، متسائلة عن مصدر ثروته الضخمة وموجهة له اتهامات خطيرة تتعلق بتجارة الأعضاء والاتجار في المواد المخدرة.
ووجهت شمس سؤالا خلال اللقاء قائلة: "عايزة أعرف بنتي اتقطعت واتباعت بكام.. اكتشفت مؤخرا إن في حاجة اسمها نخاسة وكده بتتباع بـ 200 ألف دولار و300 ألف دولار.. الفلوس اللي عنده دي كلها منين؟ شقق بملايين الملايين وأراضي في العين السخنة.. هو بيجيب كل الملايين دي منين؟".
وتابعت شمس اتهاماتها بخصوص المواد المخدرة قائلة: "أنا طلعت قبل كده وقلت لكم يا جماعة ده بيشيل مخدرات وده بيتاجر في المخدرات ولحد ما اتمسك وصدقتوني بعدها".
وخلال اللقاء عبر موقع نيوز رووم، قامت شمس بتشغيل تسجيل صوتي منسوب لسعد الصغير يقول فيه: “عايز أصلح اللي أنا عملته.. ما تحرمنيش إن ربنا يسامحني.. ربنا مش هيسامحني على الذنب والبنت اللي اتقتلت دي”، معقبة على التسجيل: "ده اعتراف بصوته إنه قتل بنته وأنا حطاه على صفحتي وعلى السوشيال ميديا كلها".
وعن سبب بقائها في تركيا وعدم عودتها لمصر، قالت شمس: "أنا خايفة منه.. عايزة حقي وحق بنتي وعندي عاهة مستديمة في رحمي.. أنا أكتر واحدة دمر حياتها ودمر نفسيتها ورحمها".
سعد الصغير وطليقته شمس
وروت شمس تفاصيل الواقعة خلال لقائها عبر موقع "نيوز رووم" مع الإعلامية سارة مكي: "أنا اتجوزت حوالي سنة، وكنت حامل في 7 شهور واسبوعين تقريبا.. جابلي بلطجية وخطفوني من اسكندرية للقاهرة وقطعوا بنتي حتة وأنا كنت بين الحياة والموت.. ده وحش ده مش بني آدم ده مش إنسان".
وأضافت شمس واصفة لحظات إجبارها على توقيع عقود تحت التهديد: "وداني فيلا في أكتوبر ومضوني على إيصالات أمانة على بياض وعقد جواز إنه هو اتجوزني وملمسنيش.. وقتلني من الضرب وجابولي تهتك في الرحم ومناخيري اتكسرت وقطعلي شعري".
وعن لحظة الإجهاض القسري، قالت شمس: "رفع على الدكتور سلاح وقاله هتعمل لها العملية يعني هتعمل لها العملية.. الدكتور قاله دي هتموت، قاله تموت ولا تروح في 60 داهية.. هم فتحوا رحمي بالعافية وحطوا آلة حدة وقطعوا البنت دي حتت.. وأنا شوفت كف إيد بنتي في كيس زبالة وأنا بفوق من البنج".
وأكدت شمس على أنها تطالب بفتح قضيتها من جديد منذ عام 2011، مؤكدة أنها تعرضت لظلم كبير دمر حياتها ومستقبلها.
من جانبه، أكد موقع "نيوز رووم" أن كافة الاتهامات الواردة في اللقاء تقع على المسؤولية الشخصية للراقصة شمس، معلنين حق الرد مكفول للفنان سعد الصغير في أي وقت.
