كريم الحسيني يساند محمد طعيمة: "لو محبط اعتبرها استراحة محارب"
حرص الفنان كريم الحسيني على مساندة الفنان الشاب محمد طعيمة خاصة بعد إحباط الأخير من مجال الفن بسبب الشلالية، وذلك من خلال رسالة تشجيعية عبر حسابه الرسمي على موقع تبادل الصور والفيديوهات إنستجرام.
كريم الحسيني يدعم محمد طعيمة
وقال كريم الحسيني معلقًا: “ إوعى تضايق نفسك يا حبيبي، ده أنت من المُمثلين العتاولة عندنا في جلينا اللي بيعرفوا يضحكوا ويعملوا جد وتراچيدي، أنا بحبك يا طعمية وأنت عارف، ومقدر حجم موهبتك، وعارف يعني ايه تقفل مع الواحد ويبقي حاسس أنه عايز يسيب كل حاجة، بس أنا بقولك لأ، كمل إبداع، حتى لو دلوقتي بقيت مُحبَط شوية سميها إستراحة مُحارب، ودلوقتي يا بيه يلا إفتح موبايلك عشان بنحاول نوصلك عشان نبلغك أوردر إنك تتعطف وتتكرم وتقبل تيجي ضيف شرف معانا في المسلسل الإذاعي الجديد، وهايبقي شرف ليا إني أخرجلك ونمثل قدام بعض إذاعة، مافيش إعتذرات، ومافيش بعدين، وصدقني وحياة العيش والملح والصداقة اللي بينا أنا كتبت البوست ده مش عشان انت متضايق وكاتب عندك بوست على السوشيال ميديا، لكن فعلاً أنا بحترمك وبقدرك ومقدر حجم موهبتك وعايز أستفيد بإمكانياتك يا نجم”.
جدعنة كريم الحسيني
ولم تكن هذه هي المرة الأولى لـجدعنة كريم الحسيني، حيث حرص من قبل على التواصل مع الفنانة ناني سعد الدين من أجل توفير فرصة عمل لها، حيث قال كريم الحسيني في تصريحاته لـ نيوز رووم : تواصلت مع الفنانة ناني سعد الدين وبالفعل تم توفير فرصة عمل لها في مسلسلي الإذاعي الجديد .
استغاثة ناني سعد الدين
وقد كشفت الفنانة ناني سعد الدين عن احتياجها الشديد لفرص عمل بالوسط الفني، وذلك من خلال تصريحات خاصة لـ موقع نيوز رووم، مستاءة من تخاذل الزملاء وعدم ترشيحها في أي عمل.
حيث قالت ناني سعد الدين في تصريحاتها: "أنا تعبت من الدنيا كلها، النقابة مش لاقية تشغل الناس اللي عندها، وهي مالهاش دعوة باللي بيحصل، أنا عمالة ادور واكتفيت بالمنشور محاولتش أكلم حد، الناس بقى لو شافت منشوري وكبروا دماغهم هما حريين أنا بعمل اللي عليا والله المستعان".
