خبطها بالتوك توك علشان 10 جنيه.. أسرة السيدة المسنة تكشف تفاصيل الاعتداء عليها

تحدثت إحدى أفراد أسرة السيدة المسنة التي تم الاعتداء عليها من قبل سائق توك توك، قائلة: «أمي ركبت مع سواق التوك توك من بعد كوبري السعيدية عشان تروح تبيع خضار عند السكة الحديد وجت في نص الطريق بتديله الأجرة قالتله خد الـ 10 جنيه أهي قالها 10 جنيه اي مش واخدها»

خبطها بالتوك توك عشان 10 جنيه

وأضافت خلال تصريحات خاصة لنيوز رووم: «بعد كده نزلها في نص الطريق قالتله لا أنا بدفع كده دايما، قالها مش هوديكي في حتة تاني وسابته ومشينت، وهي ماشية راح خبطها بالتوك توك، وبعد ما خبطها بالتوك توك راحت ضرباله التوكتوك بشنطة الخضار وقالتله حسبي الله ونعم الوكيل فيك راح نازل قاعد يشتم فيها بكلام مش كويس ويضرب فيها راح ضاربها وخابطها وأغمى عليها في الأرض».  

محضر في سائق التواك توك

وتابع: «روحنا راجعنا تسجيل الكاميرات وعملت محضر عشان نعرف هو مين وكده ونزلت على النت وبعد ما عملت محضر بعتولنا أهله عشان خاطر نتنازل ونتصالح، والحمدلله تم القبض عليه وخلاص ومش هتنازل ولازم ياخد حسابه ويتعاقب على اللي هو عمله». 

وتداول أحد نشطاء مواقع التواصل الاجتماعي منشورًا يتضمن استغاثة موجهة إلى وزارة الداخلية، مطالبًا بسرعة فحص واقعة متداولة بشأن تعرض سيدة مسنة للاعتداء عقب خلاف على أجرة توك توك.

وبحسب ما جاء في المنشور، نشب خلاف بين سائق توك توك وسيدة مسنة حول قيمة الأجرة، قبل أن يتطور الموقف إلى اعتداء عليها، وفقًا للرواية المتداولة، ما أثار حالة من الغضب بين مستخدمي مواقع التواصل الاجتماعي.

وطالب صاحب المنشور الجهات المختصة بسرعة التحري عن الواقعة وضبط المتهم حال ثبوت صحة الاتهامات المتداولة، مؤكدًا ضرورة اتخاذ الإجراءات القانونية اللازمة لحماية المواطنين ومحاسبة أي متورط في الواقعة.