مطالبات بحبسها.. غضب ضد الناشطة الحقوقية نسمة الخطيب بعد تصريحاتها عن العاملات بالبغاء
أثارت الناشطة الحقوقية نسمة الخطيب حالة واسعة من الجدل على موقع فيس بوك بعد نشرها تدوينة تناولت فيها قضية العاملات في مجال الجنس التجاري من منظور حقوقي.
ودعت الخطيب في منشورها إلى مناقشة حماية هؤلاء النساء من المخاطر المتعددة التي يتعرضن لها، بما في ذلك الأمراض والاعتداءات الجنسية، مشيرة إلى ضرورة وجود إطار قانوني يحميهن ويتيح لهن الحصول على الرعاية الصحية والتوعية والفحوص الدورية، وإمكانية الإبلاغ عن أي اعتداءات لتطبيق حقوقهن القانونية.
وقالت نسمة الخطيب في منشورها: «يمكن الناس تكون بتخانق علي بروفايلي علشان طرح الأفكار فأنا جاية اتناقش النهاردا عن موضوع العاملات بالجنس التجاري، المهنة دي كدا موجودة بالفعل، لو فيه حد بيفكر من منظور حقوقي ونساوي هيفكر أن الستات دي بتتعرض لأمراض جنسية واعتداءات جنسية، فهل الستات دي من حقها حماية من الدولة اللي عايشين تحت مظلتها أيا كان، ولو قدرنا نحميهم ونوعيهم ونكشف عليهم بشكل دوري أو لو حصلتلهم حادثة يقدروا يبلغوا وياخدوا حقهم القانوني أعتقد إنهم محتاجين إطار قانوني يحميهم».
وتباينت ردود فعل المواطنين على المنشور بشكل لافت. ففي تعليق لها، قالت مواطنة تُدعى نيهال علي: «حماية من الدولة إزاي يا نسمة قوليلي؟ أنا مع إنه ما ينفعش في مصر حوار شرطة الأخلاق ونمنع الناس عن تصرفات تخصهم تحت إطار القانون طالما مش يضر حد، لكن الدولة تكشف عليهم كمان؟ طب ما يكشفوا على نفسهم وكل واحد يشيل شيلته، الميزانية دي أولى بيها الغلابة اللي مش لاقيين يتعالجوا من الأمراض المزمنة اللي مش بإيديهم».
كما أشار أحد المستخدمين إلى اهتمامه بتقديم بلاغ أو متابعة الإجراءات القانونية في حال تجاوزت أي تصريحات القوانين المعمول بها، فيما أبدى آخرون دعمهم لطرح الخطيب من منظور حقوقي، معتبرين أن النقاش حول سلامة العاملات وحقوقهن جزء من تعزيز العدالة والمساواة.
ورد باسل محمد على نسمة الخطيب: «انتي متسجلِك سكريين فيديو من صفحتك عليه البوست ده وفيه اللينك بتاع صفحتك بكل التفاصيل اللي ممكن تتخيليها واللي متتخيليش، انتي بتقولي إني أقدم بلاغ فيكي وانتي عارفة كويس إن في ناس تانية من المنظومة اللي أنتي منها هاتقف في ضهرك وهتحميكي وكده وده اللي أنت متخيلاه بس والذي رفع السماء بلا عمد، عايزك تفكري الرد بتاعك ده كويس أوي».
لتعلق دونيا على باسل محمد، قائلة: «كل الدعم لحضرتك، ياريت تقدم فيها بلاغ وتتحبس علشان تكون عبرة لكل من يدعو لنشر الفسق والفجور في المجتمع».
ورغم حذف الخطيب للمنشور لاحقا، أكدت أنها لا ترغب في الدخول في صدامات ونزاعات على المنصات، وكتبت: ولاحقا، قامت الناشطة بحذف المنشور، وكتبت تعليقا أوضحت فيه أنها لن تدخل في هذا النوع من الجدل، قائلة: «مسحت البوست علشان بجد مش هادخل في الحته دي واه مش هاتجر لخناقات تسحب الطاقة أتخانقوا أنتم يا جماعة.. كل الحب».
