غادة عادل: جايبة تليفون للألعاب.. وبدلع ابني بـ ماريو على اسم لعبة سوبر ماريو
تحدثت الفنانة «غادة عادل» عن حبها الشديد لألعاب الموبايل وألعاب الفيديو، مؤكدة أنها تعتبرها وسيلة للهروب من الضغوط اليومية وتحسين حالتها المزاجية.
ألعاب الموبايل بتهديلي أعصابي
وقالت غادة عادل خلال لقائها مع إسعاد يونس في برنامج صاحبة السعادة: «بحب ألعب على الموبايل كتير، لأن اللعب بيهديلي أعصابي، وساعات وأنا بلعب ألاقي نفسي بفكر في حل مشكلة معينة أو حاجة شغل، وكأني بفصل من كل اللي حواليا».
وأضافت: «لما أكسب وأعدي مرحلة ببقى مبسوطة جدا، وأقول خلاص كده أكيد الحاجة اللي بفكر فيها هتتحل، وبفضل مكملة لعب أكتر».
أنا مدمنة لعب أصلا
وأشارت إلى أن علاقتها بالألعاب بدأت منذ سنوات طويلة، قائلة: «أنا مدمنة لعب أصلا، وبقالي سنين طويلة جدا بلعب».
كنت بلعب سوبر ماريو
وكشفت عن موقف طريف مرتبط بابنها الأكبر محمد، وقالت: «أنا عندي ابن كبير اسمه محمد، بس اسمه عندي من يوم ما اتولد ماريو».
وأضافت: «الناس كانت تستغرب وتقولي ليه ماريو وهو اسمه محمد؟ والسبب إني كنت بلعب سوبر ماريو وأنا حامل فيه».
وتابعت : «كنت بلعب سوبر ماريو وقت حملي، وعشان كده الاسم لازق فيه من ساعتها».
وقالت: «مش عايزة أقول بقى محمد عنده كام سنة عشان محدش يحسب ويعرف أنا عندي كام سنة.. إحنا لسه عيال أوي».
الناس بتبالغ في عمليات التجميل
وفي سياق آخر قالت غداة عادل: الناس ساعات بتبالغ في عمليات التجميل وبتطلع شكلها مش متناسق. قالت: "أنا بحب الحاجات على قدها، كل حاجة لازم تبقى لايقة عليك وطبيعية، مش شكل مبالغ فيه.
وأكدت: «عمليات التجميل لها مواصفات معينة ولازم تتعمل صح، عشان النتيجة تكون طبيعية ومريحة للشخص».
وأضافت: «أنا دايمًا بحس إن فيه شوية حاجات ممكن تتعدل أو تتحسن، بس على قد الجسم والشكل الطبيعي، مش حاجة كبيرة أو مبالغ فيها».
