أحمد سعد يرد على منتقدي مظهر ذقنه: أنا مش متشبه بالنساء يعني

رد النجم أحمد سعد على ما أثير عنه مؤخرا بسبب مظهر “ذقته”، قائلا: الهنود الحمر عملوها.. انا لقيت شكلها لذيذ ومفيش أي مشكلة.. وأنا مش متشبه بالنساء مفيش ستات عندها ذقن لغاية.. لكن أنا بحب بعمل حجات تثير الدهشة.

رد سعد على منتقدي مظهر دقنه

وأضاف «سعد»، خلال لقاء خاص مع الإعلامي عمرو أديب ببرنامج “الحكاية”، إذا كان المتحدث الأسبق للقوات المسلحة انتقد مظهر دقني، فهو قال كده بناء علي إيه؟.. هو مش متخصص في الدين ولا هو أزهري، لكن هو بيسحب فقط مشاعر الناس طريق الدين عشان تتعاطف معاه.

ربنا ينظر إلى قلوبكم وليس لصوركم

وتابع “سعد”: ربنا ينظر إلى قلوبكم وليس الى صوركم.. مواصلا: السوشيال ميديا جعلت الناس كلها تخش حيات أي فنان ونجم وعايزين يعرفوا حياته عامة ازاي.

وعلق الإعلامي عمرو أديب: بس عمرو دياب مبيعملش كده، ليرد سعد: ده بيتشتم في لأسبوع 100 مرة بسبب التاتوه اللي بيعمله وبيعمل أكتر من كده.. وانا بحب عمرو دياب.

وكان قد خرج المطرب أحمد سعد للرد على جدل إطلالته الأخيرة، التي انتقدها العديد من رواد السوشيال ميديا خلال الأيام القليلة الماضية.

وأكد أحمد سعد أنه لا يتشبه بالنساء كما أشار البعض، حيث قال في تصريحات تلفزيونية : “ أهم حاجة مايكونش اللي بعمله حرام، ولا أعمل حاجة متعارضة مع الدين، وأنا مش متشبه بالنساء مفيش ستات عندها ذقن لغاية دلوقتي، ومنعرفش الموضة هتروح فين”.