يوسف الحسيني: مصطفى شوبير حارس مرمى أحلى مما قال الكتاب
أشاد الإعلامي يوسف الحسيني بأداء مصطفى شوبير أمام البرازيل، قائلا: «مصطفى شوبير بسم الله ما شاء الله ربنا يحفظه، حارس مرمى أحلى مما قال الكتاب، قدم واحدة من أجمل وأجدع المباريات حتى إن نقاد رياضيين كتير جدا مصريين وغير مصريين قالوا لولا مصطفى شوبير كان ممكن يبقى فيها هدفين أو تلاتة».
شوبير حاجة تفرح
وأضاف، خلال تقديم برمامجه «مساء جديد»، المذاع على قناة المحور: «واقف وحش، وأنا بقول الكلام دا وأنا زملكاوي بس مصطفى ما شاء الله حاجة تفرح وعليها القيمة، ثقة تامة في نفسه وفي الفرقة اللي معاه».
وتابع: «شوبير كان أد المسؤولية تالت ومتلت، تصديات لأصعب الكور ورد فعل في منتهى السرعة، خلى جماهير مصر مطمنة رغم ضغط البرازيل».
علق الإعلامي يوسف الحسيني على أداء منتخب مصر أمام البرازيل أمس، قائلا: «عايز أقول كلمتين مهمين ولازم نفتلحهم ودانا كويس أوي، من الآخر كده هو اي قصة استهداف محمد صلاح في الرايحة والجاية؟، اي قصة أصل محمد صلاح مبيلعبش لما بينزل مع المنتخب؟».
صلاح أهم هداف تاريخيا
وأضاف، خلال تقديم برمامجه «مساء جديد»، المذاع على قناة المحور: «عايز أعرف اي القصة دي وأساسها أي ومبنية على اي، مين قال إن صلاح مبيلعبش؟، بالمناسبة يعني هو صلاح أهم هداف للمنتخب تاريخيا مش بيلعب ازاي؟، اومال جايب الأهداف دي كلها ازاي؟».
وتابع: «هو لازم يبقى إخوان عشان يعجب، هو محمد صلاح لازم يبقى مع الجماعة عشان يبقى حلو؟.. هو محمد صلاح لازم يمشي في سكة أبو تريكة؟، يعني لازم يقعد برا ويرفع علامة رابعة؟».
محمد صلاح ضمن أساطير كرة القدم
وواصل: «هو محمد صلاح لازم يهاجم الدولة عشان يبقى كويس؟، محمد صلاح لا علاقة له بالسياسة ومش هيبقى ليه، محمد صلاح بيلعب كورة، تركيبة مؤسسية بامتياز، مش بيدوس لحد على طرف، وبيلعب مع كل الفرقة من أصغرهم لأكبرهم سنا بمنتهى اللطف والاحتواء والتواضع».
واختتم: «اللاعيب المصري الوحيد اللي اتحط اسمه من ضمن أساطير كرة القدم، اللعب الشرق أوسطي الوحيد اللي اسمه اتحط زي ميسي ومارادونا».
في وقت سابق، قال الإعلامي يوسف الحسيني إن مصر ستقضي على ظاهرة النخانيخ ومن شابههم، مؤكدا ضرورة التعامل بحسم مع أي نماذج للثراء غير الواضح أو غير المفسر، متابعا: وتابع الحسيني: «لسا في نخانيخ خلف ستار الكباب والكفتة وكبدة وسجق ومحلات». وذلك خلال برنامجه “مساء جديد” على قناة المحور.
مصادر الثروات.. هل نجاحهم طبيعي؟
وأضاف "الحسيني" أن هناك بعض الحالات التي تثار حولها تساؤلات بشأن مصادر الثروات، مشيرا إلى أن طبيعة الأنشطة الاستثمارية في بعض الملفات تثير علامات استفهام حول مدى اعتمادها على دراسات جدوى حقيقية وإدارة اقتصادية واضحة، أو ما إذا كانت تقوم على أسس غير معلنة، مواصلا: إزاي بيحققوا مليار واتنين وعشرة؟.. مطالبا بفتح ملفات جميع “النخانيخ”.
