"مش مهم جنسيته".. ميرنا جميل تكشف مواصفات فتى أحلامها
كشفت الفنانة ميرنا جميل عن مواصفات فتى أحلامها التي تتمنى أن يتمتع ببعض الصفات المعينة ، وذلك خلال لقائها في برنامج on the road .
مواصفات فتى أحلام ميرنا جميل
وقالت ميرنا جميل : مواصفات فتى أحلامي إنه يكون لي سند وضهر وياخد باله مني ومش مهم جنسيته إيه، المهم يكون حد متوافق مع العيلة عشان أنا بحب عيلتي قوي .
وفي سياق آخر كشفت الفنانة ميرنا جميل عن كواليس العمل مع النجم باسم سمرة، قائلة: «هو شخص بيفهم جدا وبني آدم جميل جدا.. هو بييجي حافظ كل أدوارنا».
بيوزع على كل البنات ورد في اللوكيشن
وأضافت، خلال استضافتها في برنامج «ضيفي» مع الإعلامي معتز الدمرداش المذاع عبر شاشة الشرق: «هو في بداية التصوير أول يوم الصبح بيوزع على البنات كلهم ورد.. يعني بيكون عنده بوكيه ورد في الكرافان ويوزع على بنت واحدة».
وتابعت ميرنا جميل: «أنا بحبه جدا وهو نجم كبير جدا جدا».
وخلال الحلقة، أجابت الفنانة ميرنا جميل سؤال الإعلامي معتز الدمرداش حول فكرة تصنيفها كفنانة كوميدية، مؤكدة أن الأمر يمثل لها مصدر فخر كبير.
تصنيفي كفنانة كوميدية فخر لي
وقالت: «ده فخر ليا، خصوصا إني بنت، ومفيش بنات كتير بيعرفوا يضحكوا الجمهور».
وأضافت ميرنا جميل أنها لا تعتمد على كاركتر أو شكل معين لإضحاك الناس، موضحة: «أنا شكلي بنت عادية ومش لابسة شخصية معينة عشان أضحك».
كما كشفت عن سر حبها للكوميديا، مؤكدة أنها من أكثر المتابعين للأفلام القديمة، قائلة: «تقريبا أنا البنت الوحيدة في جيلي أو ممكن كام واحدة معايا اللي ممكن تتفرج على الأفلام القديمة كلها وأعيدها من الأول تاني، وده ساعدني جدا، لأني بقيت فاهمة كل شخصية كانت بتضحك الناس إزاي وكانت بتستخدم إيه عشان توصل الكوميديا».
