«إيه القرف ده».. أول تعليق من ريم مصطفى بعد السخرية من مشهدها في «سيد الناس»

علقت الفنانة ريم مصطفى على الانتقادات التي تعرضت لها بسبب أدائها في مشهدها الشهير «أنت اللي قتلت ابني يا مجدي»، خلال أحداث مسلسل «سيد الناس»، بطولة الفنان عمرو سعد، الذي عُرض في موسم رمضان الماضي لعام 2025.

وقالت ريم مصطفى، خلال استضافتها في برنامج «معكم»، تقديم الإعلامية منى الشاذلي: «الموضوع مر معايا بمراحل في البداية خضتني، ولما شُفت المشهد قُلت إيه القرف ده، أنا إزاي عملته وحش كدة».

وأضافت: «كان عندي ظرف يومها ومتخيلتش إني أطلع بالمنظر ده، ابتديت أقول لنفسي هكتئب ولا أزعل، وكنت كل يوم بصحى أقولهم أنا لسة ترند يقولولي آه، فأروح أنام تاني، لأني كنت عارفة إني هبقى ترند بسبب المشهد».

وتحدثت الفنانة ريم مصطفى عن أولادها وعلاقتها بهم؛ قائلة: «عمر وعلي هما الضهر، الغريب إني بعتبرهم هما ضهري مش انا اللي ضهرهم، عمر وعلي صحابي أوي، وأنا بعتبرهم أفضل أصدقاء وبيدعموني في كل حاجة».

 أزمة الفيديو التريند

وأضافت الفنانة ريم مصطفى، «انا وولادي بتجمعنا علاقة خاصة جدا، وفي موضوع التريند كان الموضوع مضحك جدا، واتكلموا معايا في حته إن الموضوع مضايقك بس حاولي تشوفي من ناحية تانية، فيه تمن لازم تدفعيه كفنانه، شوفي حوليكي في العالم كله مين ما اتعرضش للموضوع دا».

وبشأن فترة زواجها؛ قالت الفنانة ريم مصطفى إنها ظلت حوالي 11 عاما متزوجة، وأن أبنائها يحبون الوصية بصوتها.

كما كشفت الفنانة ريم مصطفى عن أصعب المواقف التي مرت عليها في حياتها، مشيرة إلى أن فراق جدتها كان من أصعب الأمور التي مرت عليها؛ قائلة: «أول مرة اجرب لحظة فراق بجد، أعرف معنى الفراق الحقيقي، أول مرة حد قريب ليا يتوفى أصلا، ما كنتش أعرف يعني أي وفاة، ما افهمهاش، وجات في حد غالي أوي فكان فيها اسمه للحياة، ولحد النهاردة بتأثر وينادي عليها لما اكون متضايقة، ولما أكون مبسوطة بردة».

علاقة ريم مصطفى بجدتها

وأضافت الفنانة ريم مصطفى خلال حوار تلفزيوني ببرنامج معكم منى الشاذلي والمذاع عبر قناة On، تقديم الإعلامية منى الشاذلي: «دي حاجة تقيلة أوي في حياتي، ليها صورة جنبي على السرير وبحس دائما روحها معايا».