برّد قاسي.. ريم مصطفى تنهي جدل الشائعات وتكشف عن علاقتها بابنة أصالة
قالت الفنانة ريم مصطفى إنها تركز أكثر في حياتها الشخصية؛ مؤكدة على أن الحياة الشخصية بالنسبة لها دائرة مغلقة، وأن ما يتردد من إشاعات يعرف حقيقته الأشخاص القريبون.
جميع الإشاعات غير حقيقية
وأضافت الفنانة ريم مصطفى خلال حوار تليفزيوني ببرنامج معكم منى الشاذلي والمذاع عبر قناة On تقديم الإعلامية منى الشاذلي أن جميع الإشاعات التي أُطلقت عليها غير حقيقية؛ قائلة: «كل الإشاعات اللي طلعت عليا غير حقيقية بس تزعلني لما تبقى جايه في حد انتي تعرفيه على المستوى الشخصي، مش بتبقى حاجة لزيزة».
واستكملت «مصطفى»: «شام بنتها صحبتي جدا والموضوع مش فيه أي شكك، بس الإشاعة مش لزيزة، أو يمكن كانت أول إشاعة تظهر عليا علشان كده وترتني، كل حاجة أولها صعب وبعد كده الواحد خلاص».
وأوضحت: «بحس إن الواحد كل ما يكون عنده وعي في النقطة دي وعنده نضج فيها ودا مش بيكون حصل في يوم وليلة يعني بيكون حصل على مدار خبرات حياتية كتيرة، بس بتخلي اختياراتك صعبة، في الزمن اللي احنا فيه دا كمان بحس إن أنا اللي عائشة في حاجة فيها أحلام».
كما ردّت الفنانة ريم مصطفى على الشائعات التي تُطلق عليها بصورة مستمرة خلال الفترة الماضية؛ قائلة: «انا أصلا كائن قاعد على الكنبة في البيت ببطنيه ما بتحركش، أنا شخصيه بيتوتية جدا، أنا عندي إشاعات فيه منها ضيقني وفيه منها جزء بسطني جدا».
سبب طلاق أصالة
وأضافت الفنانة ريم مصطفى خلال حوار تليفزيوني ببرنامج معكم منى الشاذلي تقديم الإعلامية منى الشاذلي والمذاع عبر قناة on: «كان فيه إشاعة إن أنا سبب طلاق أصالة واتجوزت طارق العريان، وقعدت معايا كتير وتروح وتيجي».
واستكملت «مصطفى»: «فيه إشاعة بقا يا جماعة ودي اللي بحبها أوي، حبيبي محمد صلاح، بيطلع عليا إشاعات غريبة بتضحكني».
وحلّت الفنانة ريم مصطفى ضيفة حلقة اليوم من برنامج معكم منى الشاذلي تقديم الإعلامية منى الشاذلي والمذاع عبر قناة «On»، ولحظة دخولها، اشتعلت الأجواء والسعادة بين المشاركين المتواجدين داخل الاستوديو.
عمليات التحضير للفيديو
وقالت الفنانة ريم مصطفى: «الموضوع قالب معايا ضحك وأي حد يكلمني أقولهم يا جماعة قلبي مات ماحدش يتكلم معايا خلاص، والموضوع مر معايا بمراحل، وكانت البداية خضتني، والبداية بتاعت المشهد أصلا لما شوفته قولت أي القرف دا».
