هند سعيد صالح تعلن تعرضها لمضايقات: من امتى بقينا عندنا القدر ده من البجاحة؟
كشفت هند ابنة الفنان الراحل سعيد صالح، أنه تتعرض لمضايقات بتعليقات سلبية بها تطاول عليها لمجرد إبداء رأيها في عمل فني أعجبها.
وكتبت هند سعيد صالح عبر حسابها بموقع فيسبوك، صباح الخير للمرة المليون بيحصل تطاول عليا و تعدى لحدود الأدب سواء فى التعليقات أو فى الرسايل
و ده لمجرد ان عجبنى فيلم او اتنين مش على هوى البعض أو قولت حاجة في العموم مخالفة لرأي البعض من غير ما أغلط حتى في اللي بقول رأيي فيه
ابداء رأي حضرتك في المطلق ده يخص حضرتك ويحترم ومش هناقشك فيه .. مش عشان خايفة تقنعني لا والله العظيم".
وأضافت: “عشان أنا أصلا إنسان مكتفي بالفرهدة اللى في مشاكل وعموم الحياة زيي زي كل واحد فينا عنده مشاكل خارج شاشة الموبايل فبفتح الفيس بوك أتفك بكلمتين مش مهمين مش أكتر أما إبداء رأي حضرتك (في رأيي) مش مسموح بيه خالص .. خصوصا لو بتطاول وتعدي لحدود الأدب من امتى بقينا عندنا القدر ده من البجاحة وقلة الأدب والتطاول على الناس؟ وكل ده عشان فيلم أو مسلسل؟”.
واختتمت هند سعيد صالح حديثها وكتبت: “عموما شكرا من قلبى لأى انسان بيعلق بأدب و احترام حتى لو مخالف لرأيى مكونتش أحب أبدا أقفل التعليقات بس فيه قلة كيفهم يرشوا الملح على التورتة اضطروني لكده”.
