فاروق حسني يكشف أول لقاء مع مبارك: كان بيبصلي من فوق لتحت

أجاب فاروق حسني، وزير الثقافة المصري الأسبق، على سؤال مفاده: «امته أول مرة التقيت بيها بالرئيس مبارك؟»، قائلا: «أول مرة وأنا بحلف اليمين، كان بيبصلي من فوق لتحت وأنا عارف إن شكلي مختلف وشعري كان طويل ساعتها، ولابس إيطالياني». 

أول لقاء مع حسني مبارك

وأوضح حسني، خلال حواره في برنامج «رؤية أخرى» مع الإعلامي عبد اللطيف المناوي عبر منصات «الشرق بودكاست»: «وفي أكتوبر 1977 بعدها بشهر ونص كان في مهرجان السينما وطبعا كنت حاضر الأحداث وأعرف سميحة أيوب ويوسف شاهين وسعد وهبة وكان صديقي لإنه كان رئيسي». 

حلقة كلامية بين مبارك وفاروق حسني

وتابع: «قعدنا في مرة والرئيس مبارك بصلي كده وراح راقعني حاجة قالي: يا فاروق عامل اي مع السينمائيين قولتله ماشي يا ريس قالي هما عايزين يمشوا سعد وهبة قولت اه قالي ما تمشيه، قولت يا نهار أسود أمشية ازاي يا ريس واحنا باقي 10 أيام على المهرجان وهو واخد مننا نص مليون جنيه، والمهرجان يا يفشل يا ينجح، قالي خلاص اعمل اللي انت عايزه».     

حديث 45 دقيقة مع مبارك

واختتم: «تاني حاجة في يناير الرئيس عمل اجتماع للوزارة فروحنا الوزارة وكنت آخر وزير وأنا مكنتش لسه أعرف حاجة في الكلام دا، قالي بقى يا فاروق وزارة الثقافة عاملة معاك اي فاتكلمت معاه 45 دقيقة واتكلم مع كل وزير دقيقتين تلاتة ولما خلصت».