هيثم نبيل: "عمري ما طلبت من مراتي تبطّل غُنا.. وعملت لها 6 أغاني قبل الجواز "
تحدث المطرب والملحن هيثم نبيل عن مشواره الفني وأحدث أعماله، كما تطرق إلى الحديث عن علاقته بزوجته ودعمها له، في لقاء صريح على برنامج "كلام الناس" مع الإعلامية ياسمين عز على شاشة MBC مصر.
هيثم نبيل وحياته الزوجية
وخلال اللقاء، وجهت ياسمين سؤالًا مباشرًا: "هل فعلاً طلبت من مراتك إنها تبطّل شغل وغُنا وتلف حياتها حواليك؟"، ليرد هيثم قائلًا: "لا طبعًا، ده كلام غلط ومش حقيقي خالص. أنا دايمًا داعم لمراتي، وبشجعها في كل حاجة بتحب تعملها."
وكشف نبيل أن زوجته كانت تغني منذ صغرها، وشاركت في برنامج "ستار أكاديمي"، مضيفا: "هي بتحب الغُنا من زمان، وبدأت تغني في الأوبرا وهي صغيرة، وعملت لها 6 أغاني بصوتها، ولما قامت الثورة والدنيا اتهدت شوية، قررت تبعد عن الغناء، وده كان وقت ما علاقتنا قربت واتجوزنا بعدها".
دعت الإعلامية ياسمين عز في حلقة اليوم من برنامجها "كلام الناس"، المذاع على فضائية "إم بي سي مصر"، الفتيات إلى الاهتمام بالعناية بالمنزل وبشريك الحياة، مؤكدة على أهمية تصرفات بسيطة يمكن أن تساهم في تحسين العلاقة الزوجية.
الحياة الزوجية
وقالت: "قومي أعملي قراقيش لزوجك، وشوفي نواقص البيت، ودلعيه بكلام حلو وقولي لجوزك أن النواقص أجبان وألبان، هيديكي فلوس، وبكدا هيعود عليك بفايدة ليكي ولعيالك. كما نصحت ياسمين عز بالتعامل بلطف ولباقة مع أهل الزوج، مضيفة: " لما تتكلمي مع سلفتك وحماتك لازم برقة وزوق ودلال، وهتباتوا مع بعض "مش قادرة أقوالك أجواء حميمية وهتكلوا سبانخ ومولوخية، وأجواء كرتونية هيحبها جوزك.
العلاقة مع أهل الزوج
وفيما يتعلق بالعلاقة الزوجية: "دمعتك هتبقى غالية على زوجك، لما تننزل منك دمعة جوزك هيمسها بالمصري أو بالدولار أيهما أقرب، مش بيقولك دمعتك غالية عالية، بس بكام؟، كلامك الحلو ليه كل شوية ببلاش مش بفلوس بس هيعمر بيتك، وكل دمعة هتكون بفلوس فعمره مهيزعلك تاني وهتبني ثروة.
وقدمت الإعلامية ياسمين عز نصيحة مثيرة للنساء اللاتي يخططن لاستقبال خطيبهن في عيد شم النسيم. وكعادتها في تقديم النصائح بطريقة طريفة وممتعة، شددت ياسمين على أهمية "الاستعداد" لهذا اليوم الخاص.
وقالت عز في تعليقها: "لو خطيبك جاي يزوركم في شم النسيم، لازم تعملي عالسفرة 20 صنف، عشان تكون الزيارة مميزة وفيها كل اللي يتمنى خطيبك يجده من أطعمة."
وأشارت إلى أهمية أن يكون الاستقبال مميزًا بكل التفاصيل، قائلة: "ترشيليه في مدخل البيت وهو داخل بماء ورد من عند العطار أو ماء زهر من لبنان، عشان يحس إنك مهتمة بأدق التفاصيل".
