«ماتت في ريعان عمرها».. جمال شعبان يودع سهام جلال بكلمات حزينة
نعى الدكتور جمال شعبان الفنانة الراحلة سهام جلال، معبرًا عن حزنه الشديد لوفاتها، وموجهًا دعاءً لها بالرحمة والمغفرة.
وجاء ذلك عبر منشور قام بكتابته على صفحته الرسمية بموقع "الفيس بوك"قائلًا:" ارحم يا رب الراحلة سهام جلال التي كانت بارة بأهلها وماتت في ريعان عمرها مخذولة من زملائها بعد عملية لعلاج انسداد الشرايين الطرفية".
اهتمام ما بعد الموت
وتحدثت الفنانة رانيا محمود ياسين عن الفنانة الراحلة سهام جلال، مشيرة إلى أنها لم تكن تعرفها شخصيًا لكنها كانت تحبها، متمنية لو كان هذا الاهتمام الذي حدث بعد وفاتها كان حدث وهي على قيد الحياة.
وكتبت رانيا محمود ياسين عبر حسابها بموقع إنستجرام: “الله يرحم سهام جلال ويغفر لها ويثبتها عند السؤال للأسف مكنتش أعرفها شخصيًا بس كنت بحبها، يا ريت الاهتمام ده كان يبقى وهي عايشة لكن للأسف الدنيا كده لما راح المقبرة بقى حتة سكرة”.
وأضافت رانيا محمود ياسين:" اللي عايزة أقوله إن الشغلانة دي مفيش فيها حاجة اسمها أصحاب والله ولا في أي شغلانة هي الحكاية كفاءات أو محسوبيات وفي مهنتنا بالتحديد كل ما تبقى لسه جديد وفريش تبقى مطلوب أكثر. محدش يلوم على نجوم يقول انهم خذلوا اللي بيطلب منهم شغل لأن النجم أحيانًا بيقى مش لاقي حاجة مناسبة للطالب منه العمل معاه".
وتابعت: “كمان النجوم بيغيروا أرقامهم كتير من وقت للتاني ممكن تطلبوا على رقم غلط وتتصور انه تجاهلك وأحيانًا تانية يبقى مشغول جدًا في تحضير العمل اللي متباع باسمه بيقى مش فاضي يرصد كل رقم كلمة أو رسالة جاتله فبلاش دايما نشيطن النجوم كل ما حد من زملاء يتوفاه الله قهرا ونقول زملائه سبب هي اصلا مش بتاعتهم تشغيل حد والحقيقة في صعوبة شديدة في الميديا وناس كتير قاعدين في البيت والشغلانه حقيقي مالهاش كاتلوج لبتبقى عارف ده ليه بيشتغل ولا بتبقي عارف ده ليه مش بيشتغل وازاي ده قاعد في البيت بالرغم من شطارته وتميزه وغيره معندوش موهبة أصلا وشغل نار.. هي صراحة مالهاش كتالوج”.
واختتمت رانيا محمود ياسين منشورها وكتبت:"رحم الله سهام جلال واسكنها جنات نعيم نسألكم الدعاء لها".
