بعد نفي مدير أعماله.. ننشر فيديو تصريحات سهام جلال عن أحمد السقا وأمير كرارة

تحدثت الفنانة سهام جلال في تصريحات سابقة مع الإعلامية ياسمين عز ببرنامج «كلام الناس»، عن علاقتها بأحمد السقا: «بصي مفيش صحاب، لإن كلمة صاحب دي ليها مسؤولية كبيرة، بكلم صحاب العمر وبطمن عليهم وبطلب منهم شغل وبس، بس محدش بيساعد حد، بس أنا بعمل اللي عليا وبسعى». 

ربنا أمرني إن أنا أسعى

وأضافت الفنانة الراحلة سهام جلال: «ربنا أمرني إن أنا أسعى وأكلم الناس ودا مش عيب وميقللش مني إني أكلم زميل أو مخرج عشان الشغل أصل محدش هيجيبهولي أنا اللي بجري عليه، بس ممكن تتصدمي من الردود وتتقفلي من الصحاب في الردود». 

علاقتها بالفنان أمير كرارة

وعن الفنان أمير كرارة قالت سهام جلال: «نجم وبحبه كممثل وجميل بس، وأنا مش بحب أزعل حد مني بس بزعل من صحابي إن لما زميل يكلمك عشان يطلب منك حاجة لازم تفهم إنه قعد مع نفسه كتير أوي عشان يطلب الطلب دا، أعرف كرارة من سنين، مفيش بينا احتكاك، هو معشمنيش بحاجة أنا اللي طلبت منه، وقالي عنيا يا سوسو بعد كده مردش على التلفون فكانت حركة مش لطيفة».

وكشف محمد حسن، مدير أعمال النجم أحمد السقا، حقيقة تجاهل السقا للفنانة الراحلة سهام جلال، عند طلبها العمل معه خلال السنوات الماضية.

وقال مدير أعمال أحمد السقا في تصريح خاص لموقع نيوز رووم : “الله يرحمها ماكانتش بتكلم حد، ولا حصل طلب منها للشغل مع السقا، والتصريحات اللي بتنزل على لسانه مُفبركة من أجل التريند”.

وكان قد كشف النجم أمير كرارة  هو الآخر حقيقة ما تم تداوله حول تجاهله للفنانة الراحلة سهام جلال، عند طلبها العمل معه.

وقال أمير كرارة في تصريح خاص لموقع نيوز رووم : “سهام جلال كانت في لقاء مع ياسمين عز في 2021، وقالتلها تقولي إيه لـ أمير كرارة ؟، فقالت ده حبيبي وعشرة عمري بس خذلني، روحت بعتلها رسالة وقتها قالتلي مين معايا ؟، وده لأنها كانت بتكلمني على رقم غلط، وعلاقتها كانت كويسة ومحصلش بيننا أي خلاف”.

وكانت قد شُيعت جنازة سهام جلال بعد صلاة الظهر اليوم من مسجد حسن الشربتلي، وتغيب عن الحضور عدد كبير من نجوم الفن الكبار الذين تعاونت معهم سهام عبر مسيرتها الفنية، وكان من أبرز الحضور الفنان فادي خفاجة، الفنان أحمد منير، والفنان بسام رجب.

وكشف مصدر مقرب من الفنانة سهام جلال عن بعض التفاصيل الخاصة بمرضها والتي أدت إلى خضوعها للعملية الجراحية ، مشيرًا إلى أن الأشعة والتحاليل كانت لا تؤهلها للخضوع للعملية.

وقال المصدر في تصريحاته لـ نيوز رووم : “الأشعة والتحاليل اللي اتعلمت ماكنتش تأهلها إنها تعمل عملية، ولكن الدكتور وهي  قرروا إنها تعمل العملية علشان كانت تعبانة ، وخرجت من العملية عضلة القلب عندها ضعفت، ودخلت العناية المركزة وعملوا إنعاش للقلب، واشتغل تاني وبعدها وقف وماتت ”.