نقيب الفلاحين: الطماطم هتوصل 15 جنيه للمستهلك في هذا الموعد
تحدث حسين أبو صدام نقيب الفلاحين عن توقعاته بأسعار الطماطم خلال الفترة المقبلة، قائلا: «أسعار الطماطم هتنزل كتير عن 20 جنيه في الأيام المقبلة، وأنا قولت إنه مع ارتفاع درجات الحرارة بيزيد المعروض بالتالي الطماطم بتخلص، خاصة أن ذرة العروة في شهري يوليو وأغسطس المقبلين».
موعد انخفاض أسعار الطماطم
وأضاف، خلال مداخلة هاتفية مع الإعلامي تامر عبد المنعم ببرنامج «البصمة»، المذاع على قناة الشمس 2: «الطماطم هتوصل 15 جنيه للمستهلك في شهر أغسطس المقبل، بتتباع بالتجزئة دلوقتي بـ 25 جنيه، في أنواع بتوصل لـ 30 و35 جنيه، ودي بشرى سارة مفيش 70 جنيه تاني».
الناس كلها تنسى 70 جنيه
وتابع: «الناس كلها تنسى 70 جنيه دي الفترة الجاية لأن عندنا طماطم كفاية ومساحات كبير مزروعة، إذ أن مساحات مصر من الطماطم تزيد عن 5000 ألف فدان طوال السنة، والعروة دي من أكبر العروات يعني أكتر من 200 ألف فدان».
أسعار الطماطم في الأماكن الشعبية
وواصل: «أسعار الطماطم في الأماكن الشعبية مفيش إيجارات عالية وفي أسواق عشوائية ومش بيصرفوا كتير، لكن في المناطق الراقية بيكون في إيجارات عالية ونقل عام وارتفاع في السعر، لكن الطماطم في سوق الجملة أرخص من سوق الشعب، يعني في طماطم بـ 10 جنيه في سوق الجملة».
الطماطم في سوق الجملة بأسعار مناسبة
واختتم: «لو في مكان قريب من سوق الجملة والناس مع بعضها يشتروا كمية هتلاقيها رخيصة جدا، ووزارة الداخلية في مبادة كلنا واحد بتعمل كده بتروح تشتري من سوق الجملة بأسعار مناسبة، والمكان بيفرق في الأسعار».
