"بعد حجزها 10 أيام في معمل مدرسة".. عمرو الدجوي يعتذر للطالبة سلمى الدفراوي
نشر عمرو الدجوي حفيد السيدة نوال الدجوي منشورا يوجه فيه اعتذاره للطالبة سلمى الدفراوي بسبب ما حدث معها من معاملة سيئة واحتجازها في إحدى معامل المدرسة ، الأمر الذي جعلها تتعرض لحالة نفسية سيئة بسبب ما رأته على مدار 10 أيام .
عمرو الدجوي يعتذر لسلمى الدفراوي
وكتب عمرو الدجوي عبر صفحته الشخصية على موقع التواصل الاجتماعي فيس بوك : إبنتي العزيزه سلمى الدفراوي أنا بالنيابة عن عائلة الدجوي بقولك أنا آسف .. عاوزين تعرفوا انا آسف ليه !سلمي طفله إرتكتبت جريمه .. سلمي بنت عملت كارثه .. سلمي بنت عملت غلطه لا تغتفر .. هيدفع ثمنها كل من له علاقه بيها في حكايتنا.
وأضاف : سلمي راحت حفلة تخرج زمايلها ( بروم) من مدارس تانيه .. سلمي مراحتش لوحدها سلمي راح معاها اسرتها مامتها واختها وأصدقاء متخيلين !تعرفوا راحت امتي ؟ في أجازة الصيف .. عارفين يعني إيه أجازة الصيف .. أكيد متعرفوش عشان أنا فعلا معرفش بصراحه بس واضح ان في مشكله !.
وتابع : سلمي وبعد أجازة الصيف لبست هدوم المدرسه وراحت المدرسه اول يوم دراسي زي آي طفله من زمايلها بس للأسف سلمي بالنسبة للمرحومة مكانتش زي اي طفله عارفين ليه !
عشان راحت حفلة التخرج بتاعت مدرسه تانيه اه والله زي ما بقول لكم.
حجز سلمى الدفراوي
واستكمل : سلمي من وسط المدرسه سحبوها علي المعمل وتم إحتجازها في المعمل عارفين أد ايه ؟ تقريبا ١٠ ايام ..١٠ ايام توصل المدرسه يتم سحبها من الطابور وإحتجازها في المعمل تعيط وتروح بيتهم آخر اليوم ١٠ أيام علي كده وممنوع أي حد من زمايلها يروح لها اثناء إحتجازها.. البنت بتسأل ليه انا عملت ايه طيب يقولوا لها المرحومه أمرت بكده ! طيب فهموني انا عملت ايه يقولوا لها والله ما في ايدنا حاجه شوفوا حد يكلم لكم المرحومه.
النيابة العامة تتدخل وتبدأ التحقيق في الواقعة
وأوضح : البنت وبعد ١٠ أيام من الإحتجاز و المنع من أبسط حقوقها كطفله في تعليم وإحترام طفولتها تتصل بالشرطه عشان
ينقذوها من المدرسه .. وبالفعل الداخليه تروح تفك أسر الطفله وتثبت الواقعه و النيابة العامه مشكوره تبدأ تحقيقاتها بمساعدة نجدة الطفل ويعملوا تقرير بيقول ان الطفله في حالة نفسية سيئه جدا بسبب احتجازها و سوء معاملتها والبنت للأسف وشها بيظهر عليه آثار إلتهابات بسبب الحاله النفسية.
وأردف : بس كده؟ لا اختها المفروض اتخرجت تم حجز نتيجتها ! متخيلين الشر بنت محتجزه واختها محجوب نتيجتها ليه كل ده عشان بنات راحت حفله مع والدتهم واسرتهم !! الأم والأب طلعوا في كل البرامج و عملوا مناشدات كثير اوي وبصراحه معرفش القضية بتاعتهم وصلت فين لان الواقعه من سنة وأكيد سلمي النهارده اصبحت عروسه.
واختتم : أنا اسف يا سلمي، أنا عمرو الدجوي حفيد الدكتوره نوال الدجوي ورئيس مجلس إدارة شركة دار التربية بقولك انا اسف يا بنتي علي اي الم نفسي تسبب فيه اي حد اثناء وجودك في حرم مدارسنا او جامعاتنا.. اللي يعرف سلمي او اسرتها يبلغها إعتذاري وتحياتي و يقول لهم ماما زيها محتجزه بقالها سنين و مش بعرف اشوفها بقالي ٣ سنين.
