«ابن أصول».. سيدة توجه رسالة تقدير لطليقها بعد ارتباطه من غيرها
أثارت ندى طعيمة إحدى رواد مواقع التواصل الاجتماعي جدلًا كبيرًا بعدما نشرت صورة لزوجها بعد الزواج من غيرها.
وقالت عبر منشور قامت بنشره على موقع “ الفيس بوك":" الصورة دى من خروجات كتير أوي خرجناها سوا بعد ما هو كتب كتابه والحقيقة إن من أول يوم وهو إبن أصول ومهتم ببناته وإتفقنا إن مصلحة البنات رقم واحد في حياتنا إحنا الإتنين".
تابعت :"دايما بنخطط سوا وبنفكر سوا وبنعمل كل إللي بيسعد وبيساعد ولادنا، يعني إحنا أسرة، وحاسة بأمان رهيب إن مفيش أي حاجة بتغيره ناحية ولاده ولا ناحية مصلحتهم، بفرح جدا لسعادته وبيفرح لسعادتي وبندعم بعض لأن بينا وردتين ماليين حياتنا".
وأوضحت :"بكتب البوست دة عشان أشكره علي حبه ودعمه اللا محدود لبناته معنويا وماديا وكفاحه عشانهم وبدعيله دايما ربنا يسعده ويراضيه زي ما بيراضي ولاده وبيراضيني وبيتقي الله فينا وإنه إبن أصول".
