بعد حفله في الأرينا.. تامر حسني: "رجعت عملت عروض كاملة زي 2007"
أعرب الفنان تامر حسني عن سعادته الكبيرة بنجاح حفله الأخير على مسرح أرينا بالتجمع الخامس، وذلك من خلال منشور عبر حسابه الرسمي على موقع تبادل الصور والفيديوهات إنستجرام.
وقال تامر حسني موضحًا: “ حفلة الأرينا بجد أحلى حفلة في حياتي، ومبسوط إنكم اتبسطوا بيها أوي كده وعملت كل اللي كنتوا بتقولولي عليه غنيت أغاني مش بغنيها و قدمت توزيعات جديدة و لعبت ريمكسات جديدة متسجلة عشان خاطركم من جديد زي ما طلبتوا مع ال Dj هانز، و الموزع الكبير جلال فهمي و الفنان الراقي سام محمد، و سهرنا شهر كامل نسجل، و نوزع من جديد كإني بعمل ألبوم و رجعت عملت عروض كاملة زي ٢٠٠٧ بس طبعاً بتطور مش طبيعي في المسرح المصري و العربي زي مانتوا شايفين أكيد ده مش شكل مسرح طبيعي ، المسرح ده فكرتي و عملته عشان أطور بيه الصناعة مرة تانية من بعد ما أدخلت زمان الفاير وركس بشكل ضخم في كل أنحاء مصر و الوطن العربي مع العبقري أحمد عصام و كمان الشاشات العملاقة المتنوعة و الـ 3D mapping و طبعاً اشتراك المطرب نفسه في العروض مع الاستعراضيين بنفس كفاءتهم”.
حفلة أرينا نقلة نوعية جديدة
واستكمل تامر حسني حديثه قائلًا: “النهاردة قدمت ديكور مسرحي بتكلفة يمكن تجاوزت ٣ أضعاف تكلفة المسرح الطبيعي المعتاد علشان أقدمهلكم، و يكون نقلة نوعية جديدة بقدمها للمرة التانية في سنة ٢٠٢٦ على هيئة ديكور ضخم و متنوع كل المجهود و التعب اللي عدى في الشهر اللي فات عشانكم نسيته و تحول لفرحة مع أول سقفة منكم ليا فخور إني قدمت النهارده للصناعة عملاق جديد اسمه (أمير وحيد) اللي بنا المسرح ده كله هو و شباب زي الورد مهندسين و عمال و موظفين شكراً يا شباب شكراً من قلبي شكراً للأستاذ العبقري عماد نبيل و الساوند سيستم الخرافي مع المهندسين الكبار عمرو خيري و محمد مجدي و أحمد عبد القادر”.
تامر حسني يشكر القائمين على الحفل
واختتم تامر حسني حديثه موجهًا رسائل شكر: "شكراً ل Coach نادين عادل و فريقها الاستعراضي الكبير شكراً لمهندس الإضاءة الاستثنائي حاتم الخولي و الشركة الرائدة في الشاشات و الصوتيات و الإضاءة the. technology و المهندس المسرحي الكبير تامر فوزي، و شركة أ/ إسلام أبو ياسين الخاصة بالتصوير و أ/ أحمد نصر للتصوير بال FPV و شركة TH الخاصة بال visual screen لهم مني كل الفخر، و الاعتزاز أ/ أحمد نادر ، موسى ، عمرو صلاح
محمد هادي ، چيمي عالم و جميع أبطال الشركة اللي ساهموا في التنظيم باسل نادر ، ليما المصري ، أش أش، و باقي أبطال الشركة من فريق السوشيال ميديا اللي كانوا بيجمعوا آراءكم طول الشهر و بيتواصلوا مع المواهب المصرية العظيمة اللي قدمتها عالمسرح في الموسيقى و التمثيل و كل الشكر لإدارة أعمالي حبايب قلبي أ/ حسام حسني، أ/ تامر يحيى و الخطير رامي مسعدو فرقتي الموسيقية و الطاقم التقنيو براند seven اللي تعب معايا في outfit الحفلة، و كل التقدير لشركة Vision Group الشركة المنظمة و الشركة المصرية العريقة تذكرتي".
