أبو النجا نجاتي يشيد بإقبال الشباب على الحج بدلا من الوجهات السياحية

أعرب رائد الأعمال وصانع المحتوى محمد أبو النجا نجاتي عن سعادته بما وصفه بالتحول الملحوظ لدى عدد كبير من الشباب خلال موسم الحج هذا العام، مؤكدا أن كثيرين من الفئة العمرية بين 20 و40 عامًا فضلوا أداء فريضة الحج على قضاء الإجازات في الوجهات السياحية العالمية الشهيرة.

وقال نجاتي، عبر حسابه على «فيس بوك»: «في حاجة فرحتني أوي أوي موسم الحج ده، ما شاء الله لا قوة إلا بالله..  شباب (سن 20 - 40) كتير جدا ومن المستوى اللي كان العيد الكبير بالنسبة له يروح Ibiza وSardinia وLas Vegas وSt. Tropez وما شابه ذلك، كان كتير منهم جدًا بيحج وطبعًا اللي عارف ده معناه إيه هيفهم سبحان الله».

أضاف: «عجبني المكاسب صحابهم هيتريقوا عليهم، بس بإذن الله يقلدوهم في 2027، الشباب الشيك خلاص لفوا وفهموا إن الرضا عند الله بس، مش بالمراكب الطويلة ولا الطيارات ولا الـbrands،  بإذن الله دي بداية إن طموح الشباب يبقى للحج، مش للهلس والمسخرة، وده حلو في تربية الأولاد بإذن الله، اللي بيطلع الحج بيبطل عك عادة في الدنيا، ودي حاجة قمر في الرزق كمان وللدوائر المحيطة».

ترند الخير

تابع: « هيطلع ناس في الأماكن اللي كان الشباب دي بتروحها تتريق عليهم، وأنا معاهم ناخد ثواب أكتر ويقولوا الحج ترند خير،  هيتعرفوا على ناس حلوة وشيوخ تساعدهم يكملوا في خير وتساعدهم في التفاصيل الصغيرة الجميلة، ودي أهم واحدة حسن التنظيم السنة دي من وزارة الحج والعمرة في المملكة العربية السعودية، ووزارة السياحة المصرية، والشركات السياحية المصرية هيسهل الحج فيحبوه ويحاولوا يكرروا الموضوع بإذن الله، وكله يتطور كل سنة ويتحسن».

اختتم: «طبعًا البوست ده هيتريق عليه ناس كتير جدًا، بس النية سليمة، واللي معاه ربنا يمشي على المية، وكلنا بنحاول، تحياتي».