تامر حسين يدافع عن عزيز الشافعي: كتب أغاني عظيمة كتير وكسرت الدنيا
دعم الشاعر تامر حسين، الملحن عزيز الشافعي، بعد الانتقادات التي تعرض لها مع طرح أغنية بحرية التي تولى كتابتها ولحنها للمطربة شيرين عبد الوهاب والمطرب حماقي في أول ديو غنائي يجمعهما.
وكتب تامر حسين عبر حسابه بموقع إكس: “أنا طبعًا شهادتي مجروحة في عزيز الشافعي كاصديق وكاراجل مٌبدع سواء مؤلف أو مٌلحن.. التزمت الصمت لحد الفيديو بتاعهٌ اللى عملهٌ امبارح”.
وأضاف تامر حسين: “احترامًا لـ آراء الجمهور سواء اللي عاجبهٌ أو اللي مش عاجبهٌ جميع الأراء تٌحترم وعزيز نفسهٌ أكيد يتقبل ده بصدر رحب طالما فى نطاق النقد الطبيعى والإحترام المتبادل دون التجريح في شخصهٌ ودي بتحصل معانا جميعًا ممكن تتوفق في عمل وعمل تاني مايعجبش الناس مفيش عداء بينا وبين الجمهور اللي ياما سقف لنا وشجعنا وكّبر أسامينا بثقتهٌ فينا وفي أعمالنا ومقدر جدًا فكرة العشم الفني من الجمهور ف المبدع اللي بيدعمهٌ”.
وأشار إلى أن هناك فارق بين النقد بناء ونقد لاذع: “بس حقيقى فى فرق شاسع بين (نقد بناء) يفيد المبدع ويرجعهٌ لصوابهٌ وبين حد بينتقد بمنتهى القسوة مابيتعاملش معاك كابني آدم يسب ويتجاوز ويلعن ويلغي تاريخك بالكامل ويختزلهٌ في عمل أنت مش موفق فيه بالنسبة لهٌ”.
وأكمل"أنا شايف أن عزيز كتب أغاني عظيمة كتير وكسرت الدنيا آخرهم مش حبيبي بس وكلكوا خاينين وقبلهم علامات أنت مابتغبشي وزى مانتي وخاصمت الشوارع وتعالى أدلعك ودي أغاني اتشهرت في الوطن العربى بالكامل وتاني وتالت ورابع بأكد أن المؤلف والملحن بيجيلهم المطرب عايز يسمع مجموعة أغانى يختار منهم اللى حابب يقدمهٌ المسؤلية مشتركة كمان مع المطرب اللي بيختار مفيش مؤلف وملحن بيقرر ينزل مع مطرب بأغنية معينة بشكل ما المطرب زي مدير فني لفريق كامل عايز من كل مٌبدع حاجة معينة من خلال رؤيته الكاملة لألبومهٌ ممكن يبقى المبدع قدم أغاني درامية أو أغاني دسمة والمطرب شايف انهٌ محتاج منهٌ نوع تاني أو أغاني أخف للصيف ومش قصدى مطرب بعينه ٌ ده اللى بيحصل معانا جميعًا فاحتياج كل مطرب ورؤيتهٌ".
