أزمة الذهب وأكل الأم.. إجابات صادمة لبطلات "الكلام على إيه" عن العلاقات الصعبة

أكدت الفنانة رحمة أحمد، أن الأزمات المالية المفاجئة التي تواجه البيوت في بداية الزواج تتطلب تعاملا يتسم بالحكمة وتقدير المواقف، موضحة أنها إذا طلب منها زوجها مدخراتها الذهبية بعد الفرح لن تتأخر، وقالت "بنعمل الأصول.. وهديله الذهب.. لو ليه رصيد عندك وكويس".

سوزي: "مش هطلق بس مش هدي له" 

وأوضحت سوزي الأردنية، أن طلب الزوج لذهب زوجته في الأيام الأولى يعد مؤشرا على رغبته في الاستغلال، قائلة "ثاني يوم الفرح فيقول لك يلا هاتي الذهب اللي أنا جبته ليكي؟ لا إيه ده.. هو خلاص بقى اتجوزك وخلاص عمل اللي هو عايزه واتجوزك وهيبتدي يستغلك بقى"، انا مش هطلق بس مش هدي له دهب".

طرد الزوج بسبب الأكل

وعن التعامل مع الزوج الذي يفضل طعام والدته على طعام زوجته ويقارن بينهما بشكل مستمر، قالت سوزي الأردنية "تمام.. يروح عند أمه ومش هياخد شنطة هدومه بإذن الله.. هيروح لها كده حافي مع نفسه.. وانا مش هتجوز واحد هيقول لي كده أكيد".

مواقف الأفراح المحرجة

وقالت دنيا سامي عن المواقف المحرجة التي تقع في حفلات الزفاف وتتحول إلى تريندات، إن أكثر ما يثير رعب الفتيات هو استعراض العريس للياقته: "الأفراح اللي بشوفها على السوشيال ميديا.. عريس بنطلونه اتقطع وهو بيشيل العروسة.. عريس يقع على العروسة.. لا وبالذات بقى لما يشيلها ويعمل نفسه سوبر مان ويقوم واقع عليها في الآخر.. هم الاثنين يقعوا.. تبقى لحظة ما نتمناهاش".