محافظ القليوبية يهنئ الشعب المصري بعيد الأضحى: «كل سنة وأنتم طيبين»

هنأ المهندس حسام عبد الفتاح محافظ القليوبية الشعب المصري بمناسبة عيد الأضحى المبارك، قائلا: «كل سنة والشعب المصري كله بخير، وعلى رأسه قيادته فخامة الرئيس عبد الفتاح السيسي، في هذه المناسبة بتقدم ليه ولكل المصريين بأسمى معاني الحب والود والتهنئة، طبعا كل سنة وانتم طيبين».

تهنئة عيد الأضحى

وأضاف، خلال حواره عبر فضائية إكسترا نيوز، عيد الأضحى المبارك ده عيد لكل المسلمين بنحتفل بيه، يعني شعيرة من الشعائر المهمة جدا للمسلمين وهي الحج.. طبعا أهم حاجة في يوم النحر إن احنا نتذكر الذكرى العطرة بتاعة تضحيات سيدنا إبراهيم بابنه إسماعيل»..

دعوة للحفاظ على البئية

وتابع: «لكن في نفس الوقت نحافظ على البيئة بتاعتنا في أحسن حال، وده ما مش هيتم إلا لما نستخدم المجازر اللي إحنا موفرينها كمحافظة، بحيث إن إحنا نذبح ذبح صحي يحافظ على البيئة ويحافظ على اللحوم وعلى صحة المواطنين»..

المذابح جاهزة لاستقبال ذبح المواطنين

واختتم: «إحنا في هذا الإطار عملنا مجموعة كبيرة من المجازر الدولة عملتها خلال السنين واتأكدنا خلال الفترة اللي فاتت إنها جاهزة لاستقبال ذبح المواطنين، وطبعا زي ما إحنا متعودين بالمجان عشان نشجع الناس على استخدام المجازر ونقلل الظاهرة السيئة بتاعة الذبح خارج المجازر، أنا مريت بنفسي خلال الأيام اللي فاتت على كذا مجزر وكذا نقطة ذبح، والحمد لله اطمأننا إنها جاهزة لاستقبال الناس.».