في عيد الأضحى المبارك.. حسن شاكوش يلفت الأنظار بصورة مع الأضحية
لفت مطرب المهرجانات حسن شاكوش الأنظار حوله بعدما نشر صورة له برفقة الأضحية في أول أيام عيد الأضحى المبارك، وذلك خلال حسابه الرسمي على موقع تبادل الصور والفيديوهات إنستجرام.
وقال حسن شاكوش معلقًا: “كل سنة وأنتوا طيبين وعيد سعيد عليكم يارب”.
حمو بيكا يساند حسن شاكوش
في سياق منفصل، قد خرج مطرب المهرجانات حمو بيكا عن صمته ليرد على منتقدي حسن شاكوش بعد أزمته الأخيرة، حيث نشر منشورًا عبر حسابه الرسمي على موقع التواصل الاجتماعي فيسبوك، وقال من خلاله: “من فضلكم لازم تسمعو ولا للتنمر .. اللي بيهزر وبيتريق على حسن شاكوش عشان صوته تعبان .. أحب أقولكم حاجة: الرجولة مش بس صوت .. الرجولة مواقف وصمود وشغل وتعب وشقى عشان يوصل! .. شاكوش أخويا، صاحبي، عشرة سنين .. راجل شاف كتير ولسه واقف على رجليه.. بيغني وهو تعبان، وبيعافر وهو مجهد .. وده مش ضعف .. ده قوة قلب ومعدن أصيل! .. المطرب الحقيقي مش اللي صوته حلو وهو مرتاح .. المطرب الحقيقي هو اللي بيغني من قلبه حتى لو صوته مجهد .. وبيفرّح الناس حتى لو هو موجوع! .. الناس اللي قاعدة ورا الكيبورد تتريق؟ .. ولا واحد فيهم يقدر يوقف دقيقة مكان الراجل ده في حياته! .. أنا واقف معاك يا شاكوش لآخر نفس .. وكلنا عارفين إنك راجع أقوى .. وده وعد من حمو بيكا قدام الدنيا كلها!”.
أزمة حسن شاكوش
حيث أن مطرب المهرجانات حسن شاكوش قد نشر وقتها مقطع فيديو من إحدى حفلاته الأخيرة “إحياء حفل زفاف نور التوت” عبر حسابه الرسمي على كموقع التواصل الإجتماعي فيسبوك، وعلق قائلًا: "حبيت أوضح حاجة بس .. أنا مبحبش أطلع وأبين إني تعبان .. وأقول علي التعب اللي في صوتي والأحبال الصوتية عندي عامله كده في صوتي ومخلياني مش قادر أتكلم .. بس ده كان فرح أخويا الصغير " نور التوت" وكان لازم آجي على نفسي وأغني .. لكن مقدرتش زي ما أنتم شايفين .. عشان بس الفديوهات منتشرة والناس بتتريق وده من حقكم طبعا .. بس الواحد لما بيجيله دور برد عادي مابيقدرش يتكلم أصلا وده الفيديو كمان عندي أهو".
حمو بيكا يعبر عن غضبه من التنمر: لو مش عاجبك.. ماتدخلش حسابي
أما عن مطرب المهرجانات، حمو بيكا، فقد رد مؤخرًا على الانتقادات والتنمر الذي يتعرض له كلما نشر صورة أو فيديو عبر حساباته على مواقع التواصل الاجتماعي. في فيديو مباشر عبر صفحته الرسمية على فيسبوك، أبدى بيكا استياءه من التعليقات السلبية التي يتلقاها من بعض المتابعين، واصفًا إياهم بـ "المرضى النفسيين".
